رْ مَ 11:18-36

¹⁸نَ كُي، عِ نَشَ عِ يّتّ عِفبٌ نَ سَلٌنيِ شَبَشِيٍ مَ. بٍينُن عِ شَ عِ يّتّ عِفبٌ، عِ مَحْشُن سِندٍن، عَ عِ تَن شَ مُ وُرِ بِلِ سَنكٍ رَبَلٌشِ. وُرِ بِلِ سَنكٍ نَن عِ تَن نَبَلٌشِ.

¹⁹كْنْ عِ قَمَ نّ عَ قَلَدٍ، «وُرِ سَلٌنيِيٍ شَبَشِ نّ عَلَكٌ ﭑ تَن شَ دَقُ عٍ شَبَدٍ رَ.»

²⁰نْندِ نَ عَ رَ. عٍ شَبَ عٍ شَ دَنشَنِيَتَرٍحَ نَن مَ، عِ قَن دَقُشِ نَا عِ شَ دَنشَنِيَ نَن مَ قٍ رَ. كْنْ عِ نَشَ عِ يّتّ عِفبٌ. عِ حَن شَ فَاشُ،

²¹بَرِ مَ شَ عَلَ مُ عٌلِوِ بِلِ قَنيِ سَلٌن سِنفٍيٍ لُ نَ، عَ مُ عِ قَن لُمَ نَ دٍ!

²²نَ كُي، عِ حْشْ سَ عَ شْن مَ عَ عَلَ شَ قَنيِ فبٌ، كْنْ عَ شَ قٍ مَن مَشْرْشْ. عَ شَ قٍ مَشْرْشْ مِشِيٍ نَن مَ نَشٍيٍ بَرَ عَ شَ كِرَ بّحِن، كْنْ عَ شَ قَنيِ فبٌ عِ تَن بّ شَ عِ لُمَ عَ شَ قَنيِ كِرَ شْن مَ. شَ نَ مُ عَ رَ عَ عِ قَن مَ قٍ رَبَمَ نّ عَلْ عَ نَ عٌلِوِ سَلٌنيِ شَ قٍ رَبَ كِ نَشّ.

²³يُوِقِيٍ قَن، شَ عٍ عٍ شَ دَنشَنِيَتَرٍحَ بّحِن، عٍ مَن قَمَ دَقُدٍ وُرِ بِلِ رَ، عٍ شَبَ نَشَن مَ، بَرِ مَ عَلَ سّنبّ فبٌ. عَ تَن نْمَ عٍ رَفبِلٍندٍ عٍ لُدٍ قٌرِ.

²⁴عِ تَن نُ قِندِشِ وُلَ عٌلِوِ سَلٌنيِ نَن نَ، نَشَن شَبَشِ عَ دَقُ عٌلِوِ بِلِ فبّتّ مَ، وٌ نُن نَشَن كٍرٍن مُ عَ رَ. شَ عَلَ بَرَ نَ رَبَ عِ بّ، عَ مُ تَفَنمَ عٌلِوِ بِلِ قَنيِ سَلٌنيِ رَفبِلٍندٍ عَ لُدٍ قٌرِ، عَ عَ دَقُ نَ عٌلِوِ بِلِ قَنيِ مَ، عٍ نُن نَشَن كٍرٍن عَ رَ.

²⁵ﭑ نفَشَكٍرٍنيِيٍ، ﭑ وَشِ نّ وٌ شَ يِ فُندٌ كٌلٌن، عَلَكٌ وٌ نَشَ وٌ يّتّ مَحْشُن لْننِلَيٍ رَ. عِسِرَيِلَكَيٍ بْحّ بَلَنشِ نّ سِندٍن، هَن بٍينُن سِ فبّتّ دَنشَنِيَتْييٍ كْنتِ شَ كَمَلِ.

²⁶نَ كُي، عِسِرَيِلَ بِرِن قَمَ نّ رَكِسِدٍ، عَلْ عَ سّبّشِ كِ نَشّ؛ «مِشِ شُنسَرَ مَ قَمَ نّ كٍلِ سِيٌنِ، عَ يَشُبَ بْنسْي بَ عَلَ كٌلٌنتَرٍيَ قْشْ رَ.

²⁷سَاتّ نَن نَ كِ ﭑ نَشَن تٌنفٌمَ عٍ بّ، ﭑ نَ عٍ شَ يُنُبِيٍ شَقَرِ لْشْ نَشّ.»

²⁸يُوِقِيٍ تٌ تٌندِشِ عَلَ شَ شِبَارُ قَنيِ رَ، عٍ قِندِشِ عَلَ يَشُييٍ رَ وٌ تَن نَن مَ مُنَقَنيِ شَ قٍ رَ. كْنْ عَلَ تٌ عٍ سُفَندِ عَ يّتّ بّ، عَ عٍ شَنُشِ عٍ بٍنبَيٍ نَن مَ قٍ رَ،

²⁹بَرِ مَ شَ عَلَ بَرَ عَ حَنِفٍ عَ شَ مِشِ ندٍيٍ شِلِ، عَ شَ عٍ بَرَكَ، نَ قٍ مُ كَنَمَ قٍوٌ!

³⁰سِنفٍ رَ نُ وٌ نُ قِندِشِ عَلَ مَتَندِلَيٍ نَن نَ، كْنْ يَكْسِ وٌ هِننّ سْتْشِ يُوِقِيٍ نَن مَ عَلَ مَتَندِ سَابُي رَ.

³¹عٍ تَن بَرَ قَ قِندِ عَلَ مَتَندِلَيٍ رَ عَلَكٌ وٌ تَن شَ هِننّ سْتْ عَلَ يِ، نَ شَنبِ، عَ مَن شَ هِننّ عٍ قَن نَ.

³²نَ كُي، عَلَ بَرَ عَدَ مَ بِرِن لُ تِنشِنتَرٍيَ شَ نْي بُن مَ عَلَكٌ عَ شَ هِننّ عٍ بِرِن نَ.

³³عٍٍ! دَنيِ مُ نَ عَلَ شَ مُنَقَنيِ مَ! عَ شَشِلِ نُن عَ شَ قَهَامُي تِلِنيِ دَن مُ نَ! عَ شَ نَتّ تٌنفٌشِ كُي مُ كٌلٌنمَ، عَ حّرّ كِ مُ قَهَامُمَ!

³⁴ندٍ مَرِفِ شَ مَحْشُنيِ كٌلٌن؟ ندٍ نْمَ عَ رَ سِدٍ؟

³⁵ندٍ بَرَ عَ دٌنِ، عَ نَشَن شَ دٌنِ رَفبِلٍنمَ عَ مَ؟

³⁶سٍ بِرِن كٍلِشِ عَ تَن نَن مَ، سٍ بِرِن بَلٌشِ عَ تَن نَن سَابُي رَ، عَ سٍ بِرِن دَاشِ عَ يّتّ نَن بّ. تَنتُي نَ عَ بّ عَبَدَن! عَمِنَ.