رْ مَ 10:10-21

¹⁰مِشِ دَنشَنِيَمَ يِ مَسٍنيِ مَ عَ بْحّ نَن كُي، عَ تِنشِنيِ سْتْ عَلَ يَ عِ. عَ نَ لَ عَ رَ، عَ عَ قَلَمَ عَ دّ نَن نَ، عَ كِسِ سْتْ.

¹¹كِتَابُي عَ مَسٍنشِ، «مِشِ يٌ دَنشَنِيَ عَ مَ، عَ كَنيِ مُ يَافِمَ.»

¹²تَفِ رَ سَ يٌ مُ نَ يُوِقِيٍ نُن سِ فبّتّيٍ تَفِ. مَرِفِ كٍرٍن نَن نَ عٍ بِرِن بّ، عَ مَن مِشِ بِرِن كِمَ كِ قَنيِ رَ نَشٍيٍ نَ عَ شِلِ.

¹³عَلْ كِتَابُي عَ مَسٍنشِ كِ نَشّ، «نَشَن يٌ نَ عَلَتَلَ شِلِ، نَ كَنيِ كِسِمَ نّ.»

¹⁴كْنْ نَ كُي، عٍ نْمَ عَ شِلِدٍ دِ شَ عٍ مُ دَنشَنِيَشِ عَ مَ؟ عٍ قَ دَنشَنِيَمَ عَ مَ دِ شَ عٍ مُ نُ عَ شَ قٍ مّ؟ عٍ قَ عَ شَ قٍ مّمَ دِ شَ مِشِ يٌ مُ عٍ كَوَندِ مَ؟

¹⁵نَ كَوَندِ قَن تِمَ عٍ بّ دِ شَ مِشِيٍ مُ شّيشِ نَ قٍ مَ؟ عَ سّبّشِ، «شّيرَيٍ، نَشٍيٍ قَمَ شِبَارُ قَنيِ رَ، عٍ قَقٍ قَن كِ قَنيِ!»

¹⁶كْنْ بِرِن شَ مُ يِ شِبَارُ قَنيِ سُشُشِ، بَرِ مَ عَننَبِ عٍسَيِ عَ مَسٍن نّ، «مَرِفِ، ندٍ لَشِ مُشُ شَ مَسٍنيِ رَ؟»

¹⁷نَ كُي، مِشِيٍ دَنشَنِيَمَ نّ عٍ تٌ بَرَ عَلَ شَ مَسٍنيِ رَ مّ. عٍ عَلَ شَ مَسٍنيِ رَ مّمَ عَ شَ مِشِ سُفَندِشِ شَ مَسٍنيِ نَن سَابُي رَ.

¹⁸كْنْ ﭑ شَ مَشْرِنيِ تِ، عٍ مُ يِ مَسٍنيِ رَ مّشِ شّ؟ عِيٌ شّ، بَرِ مَ كِتَابُي نَشّ، «عٍ شُي بَرَ مِنِ دُنِحَ بِرِن مَ، عٍ شَ مَسٍنيِ بَرَ سِفَ هَن دُنِحَ دَندٍ.»

¹⁹ﭑ مَن شَ مَشْرِنيِ تِ، عِسِرَيِلَ حَمَ مُ مَسٍنيِ قَهَامُشِ شّ؟ يَابِ قْلّ رَ، عَلَ يِ نَن مَسٍن عَننَبِ مُنسَ سَابُي رَ، «ﭑ عَ نِيَمَ نّ وٌ مِشِيٍ تْونّ نَشٍيٍ حَن مُ قِندِشِ سِ يَتِ رَ. ﭑ عَ نِيَمَ نّ وٌ بْحّ شَ تٍ سِ قَهَامُتَرٍ مَ.»

²⁰عَننَبِ عٍسَيِ قَن نَشَ شّيرَ عِبَ لِمَنِيَ رَ عَلَ تٌ يِ مَسٍنيِ قِ عَ مَ، «مِشِيٍ بَرَ ﭑ تٌ نَشٍيٍ مُ نُ ﭑ قٍنمَ. ﭑ بَرَ ﭑ يّتّ مَسٍن مِشِيٍ بّ نَشٍيٍ مُ نُ ﭑ مَشْرِنمَ سٍسٍ مَ.»

²¹كْنْ عِسِرَيِلَ شَ قٍ رَ، عَ نَشّ، «كٍلِ سٌفٍتٍدٍ مَ هَن سٌفٍفٌرٌدٍ، ﭑ بّلّشّيٍ عِتَلَشِ يِ حَمَ بّ، نَشَن ﭑ شُي مَتَندِ مَ، نَشَن تٌندِ مَ ﭑ بّ.»