تَرُشُي 9:1-19

¹نَ تّمُي بِرِن، سْلُ نُ كْنكْشِ مَرِفِ قْشِرَبِرّيٍ مَ، عَ شَ عٍ قَشَ. عَ نَشَ سِفَ سّرّشّدُبّ كُنتِفِ شْن

²كّيدِ مَشْرِندٍ كَتَرَبِ دَ مَسِ سَلِدٍ يَرٍرَتِيٍ مَ، عَلَكٌ شَ عَ نَشٍيٍ لِ نَا، عٍ بِرَشِ عِسَ شَ كِرَ قْشْ رَ، شّمّيٍ نُن فِنّيٍ، عَ شَ قَ عٍ شِرِشِ رَ دَرِ سَلَمُ.

³عَ نَ مَكْرّقٍ دَ مَسِ رَ، يَنبّ نَشَ مِنِ عَ مَ كٍلِ كٌورٍ مَ، عَ عَ رَبِلِن.

⁴عَ نَشَ بِرَ بْشِ مَ، عَ نَشَ شُي ندٍ مّ، «سْلُ، سْلُ، عِ نَ ﭑ حَشَنكَتَقٍ مُنقٍ رَ؟»

⁵سْلُ نَشَ عَ يَابِ، «مَرِفِ، ندٍ عِ رَ؟» عَ نَشَ عَ يَابِ، «عِسَ نَن ﭑ نَ، عِ نَشَن حَشَنكَتَقٍ.

⁶كٍلِ، سٌ تَا كُي، عٍ قَمَ عَ قَلَدٍ عِ بّ عَ لَنمَ عِ شَ نَشَن نَبَ.»

⁷شّمّيٍ نَشٍيٍ نُ عَ قْشْ رَ، نٍيٍ دّ نَشَ بٌبٌ عَ رَ فَاشُي بّ. عٍ نُ شُي مّمَ، كْنْ عٍ مُ نُ مِشِ يٌ تٌمَ.

⁸سْلُ نَشَ كٍلِ بْشِ مَ، عَ يَ رَبِشِ، كْنْ عَ يَ مُ سٍ تٌمَ. عٍ نَشَ عَ بّلّشّ سُشُ، عٍ عَ مَتِ دَ مَسِ.

⁹عَ نَشَ لُ شِ سَشَن عَ مُ سٍسٍ تٌ، عَ مُ سٍسٍ دٌن، عَ مُ سٍسٍ مِن.

¹⁰عِسَ قْشِرَبِرّ ندٍ نُ نَ دَ مَسِ، نَشَن شِلِ عَنَنِيَسِ. مَرِفِ نَشَ عَ شِلِ لَامَتُنيِ كُي، «عَنَنِيَسِ!» عَنَنِيَسِ نَشَ عَ رَتِن، «مَرِفِ، ﭑ تَن نَن يَ.»

¹¹مَرِفِ نَشَ عَ قَلَ عَ بّ، «كٍلِ، سِفَ كِرَ رَ نَشَن شِلِ ‹كِرَ تِنشِنشِ›، عِ شَ شّمّ قٍن يُدَ سِ شَ بَنشِ كُي، نَشَن شِلِ سْلُ تَرِ سٍكَ. عَ نَ عَلَ مَشَندِقٍ.

¹²عَ بَرَ مِشِ ندٍ تٌ لَامَتُنيِ كُي، نَشَن شِلِ عَنَنِيَسِ، عَ نَ عَ بّلّشّ سَقٍ عَ مَ عَلَكٌ عَ مَن شَ سٍ تٌ.»

¹³عَنَنِيَسِ نَشَ عَ يَابِ، «مَرِفِ، ﭑ بَرَ يِ شّمّ شَ قٍ مّ مِشِ وُيَشِ رَ، عَ بَرَ قٍ كٌبِ نَشَن نَبَ عِ شَ مِشِ سّنِيّنشِيٍ رَ دَرِ سَلَمُ.

¹⁴سّرّشّدُبّ كُنتِفِيٍ بَرَ نْي سٌ عَ يِ رَ، عَ شَ بِرِن سُشُ نَشٍيٍ عِ شِلِ مَشَندِ مَ.»

¹⁵كْنْ مَرِفِ نَشَ عَنَنِيَسِ يَابِ، «سِفَ، بَرِ مَ ﭑ بَرَ يِ شّمّ سُفَندِ شّيرَ رَ، عَ شَ ﭑ شِلِ مَسٍن سِ بِرِن بّ، عٍ شَ مَنفّيٍ بّ، عَ نُن عِسِرَيِلَ دِيٍ بِرِن بّ.

¹⁶ﭑ عَ مَسٍنمَ نّ عَ بّ، عَ قَمَ تْورْدٍ كِ نَشّ ﭑ شِلِ شَ قٍ رَ.»

¹⁷عَنَنِيَسِ نَشَ سِفَ نَ بَنشِ. عَ تٌ سٌ، عَ نَشَ عَ بّلّشّ سَ سْلُ مَ. عَ نَشَ عَ قَلَ عَ بّ، «ﭑ نفَشَكٍرٍنيِ سْلُ، مَرِفِ عِسَ نَشَن مِنِ عِ مَ كِرَ رَ، عَ تَن نَن ﭑ شّيشِ عِ مَ، عَلَكٌ عِ شَ سٍ تٌ، عِ مَن شَ عَلَ شَشِلِ سّنِيّنشِ سْتْ.»

¹⁸سٍ ندٍ نَشَ بَ عَ يَ مَ كٍرٍن نَ عَلْ شَلٍيٍ، عَ يَ نَشَ سٍ تٌ. عَ نَشَ كٍلِ، عَ قَ عَ شُنشَ يٍ شْورَ.

¹⁹نَ شَنبِ عَ نَشَ عَ دّفٍ، عَ قَ سّنبّ سْتْ. سْلُ نَشَ سَشَنيِ رَبَ دَ مَسِ عَ نُن عِسَ قْشِرَبِرّيٍ.