تَرُشُي 7:30-42

³⁰«حّ تٌنفٌ نَانِ دَنفِ شَنبِ، مَلٍكّ نَشَ مِنِ عَ مَ تّ شْورَ نَشَن نُ سَنسِ بِلِ فَنقٍ فبٍنفبٍرٍنيِ مَ، سِنَيِ فٍيَ قَرِ.

³¹عَننَبِ مُنسَ تٌ نَ قٍ تٌ، عَ نَشَ كَابَ. عَ تٌ عَ مَسٌ عَ رَ، عَ شَ عَ عِفبّ، عَ نَشَ مَرِفِ شُي مّ.

³²‹عِ بَبَيٍ مَرِفِ عَلَ نَن ﭑ نَ، عِبُرَهِمَ، عِسِيَفَ، نُن يَشُبَ مَرِفِ عَلَ.› عَننَبِ مُنسَ نَشَ سّرّن، عَ نَشَ فَاشُ عَ عِفبّقٍ مَ.

³³مَرِفِ نَشَ عَ قَلَ عَ بّ، ‹سَنكِرِ بَ عِ سَنيِ، بَرِ مَ عِ تِشِ دّننَشّ، بْشِ سّنِيّنشِ نَ عَ رَ.

³⁴ﭑ بَرَ ﭑ مَ حَمَ شَ تْورّ تٌ مِسِرَ، ﭑ بَرَ عٍ كُتُن شُي مّ. ﭑ بَرَ فٌرٌ ﭑ شَ شْرّيَ قِ عٍ مَ. يَكْسِ، ﭑ شَ عِ شّي مِسِرَ.›

³⁵عَلَ عَننَبِ مُنسَ شّي نّ، عٍ عَ قَلَ نَشَن بّ، ‹ندٍ عِ تِشِ مَنفّ نُن كِيتِسَ رَ مُشُ شُن مَ.› مَلٍكّ نَشَن مِنِشِ عَ مَ تّ شْورَ عَ نَشَ عَ مَسٍن عَ بّ عَ شَ قِندِ مَنفّ نُن مَرَكِسِمَ رَ.»

³⁶«عَننَبِ مُنسَ نَن عِسِرَيِلَكَيٍ رَ مِنِ مِسِرَ بْشِ رَ. حّ تٌنفٌ نَانِ بُن مَ، عَ نَشَ تْنشُمَيٍ نُن كَابَنَكٌييٍ رَبَ مِسِرَ، شُلُنيُمِ بَا، نُن فبٍنفبٍرٍنيِ مَ.

³⁷عَننَبِ مُنسَ تَن نَشَ عَ قَلَ عِسِرَيِلَ بّ، ‹عَلَ نَمِحْنمّ رَ مِنِمَ وٌ نفَشَكٍرٍنيِيٍ نَن يَ مَ نَشَن لُمَ عَلْ ﭑ تَن.›

³⁸وٌن بٍنبَيٍ حَمَ عٍ تٌ نُ مَلَنشِ فبٍنفبٍرٍنيِ مَ، مَلٍكّ نَشَ وْيّن عَننَبِ مُنسَ بّ سِنَيِ فٍيَ قَرِ. عَ سّرِيّ نَشَن مّشِ، عَ نَشَ نَ رَدَنفِ وٌن مَ.»

³⁹«كْنْ وٌن بٍنبَيٍ مُ تِن عَ شَ يَامَرِ سُشُدٍ. عٍ نَشَ عَ مَتَندِ، عٍ عٍ بْحّ تِ مِسِرَ رَ.

⁴⁰عٍ نَشَ عَ قَلَ هَرُنَ بّ، ‹عَلَيٍ يَءِلَن وٌن بّ، نَشٍيٍ حّرّ مَ وٌن يَ رَ، بَرِ مَ يِ مُنسَ نَشَن وٌن نَمِنِشِ مِسِرَ، وٌن مُ عَ كٌلٌن سٍ نَشَن عَ سْتْشِ.›

⁴¹عٍ نَشَ كُيٍ يَءِلَن نِنفٍ مِسَالِ رَ، عٍ قَ سّرّشّ بَ عَ بّ. عٍ نَشَ حّلّشِن نَ رَ، عٍ نَشَن يَءِلَنشِ عٍ بّلّشّيٍ رَ.»

⁴²«عَوَ، عَلَ نَشَ عَ كٌبٍ سٌ عٍ رَ، عَ نَشَ عٍ رَبٌلٌ، عٍ شَ تُنبُييٍ بَتُ، عَلْ عَ سّبّشِ نَمِحْنمّ شَ كِتَابُي كُي كِ نَشّ. ‹عِسِرَيِلَ بْنسْي، وٌ سّرّشّيٍ بَ ﭑ تَن نَن بّ حّ تٌنفٌ نَانِ بُن مَ فبٍنفبٍرٍنيِ مَ؟