Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - تَرُشُي - تَرُشُي 7

تَرُشُي 7:25-52

Help us?
Click on verse(s) to share them!
25عَ نَشَ عَ مَحْشُن عَ عَ نفَشَكٍرٍنيِيٍ عَ كٌلٌنمَ نّ عَلَ شْرّيَ قِمَ عٍ مَ عَ سَابُي نَن نَ، كْنْ عٍ مُ كٌلٌن سْتْ نَ مَ.
26نَ كُيٍ عِبَ، عَننَبِ مُنسَ نَشَ عِسِرَيِلَكَ قِرِن تٌ، عٍ نَ فٍرٍقٍ. عَ نَشَ كَتَ عٍ شَ لَن عٍ بٌرٍ مَ، عَ نَشَ عَ قَلَ عٍ بّ، ‹نفَشَكٍرٍنمَيٍ نَن نَ وٌ رَ. مُنقٍ رَ وٌ قٍ حَاشِ نِيَمَ وٌ بٌرٍ رَ؟›
27كْنْ نَشَن نُ قٍ حَاشِ رَبَقٍ عَ نفَشَكٍرٍنيِ رَ، عَ نَشَ عَننَبِ مُنسَ رَدِن يّ، عَ عَ قَلَ عَ بّ، ‹ندٍ عِ تِشِ مَنفّ نُن كِيتِسَ رَ مُشُ شُن مَ؟
28عِ وَشِ ﭑ قَشَقٍ نّ عَلْ عِ مِسِرَكَ قَشَشِ كِ نَشّ شٌرٌ؟›
29عَننَبِ مُنسَ تٌ نَ وْيّنيِ مّ، عَ نَشَ عَ فِ. عَ نَشَ سَبَتِ مَدِيَن بْشِ مَ، عَ نَشَ دِ قِرِن بَرِ مّننِ.»
30«حّ تٌنفٌ نَانِ دَنفِ شَنبِ، مَلٍكّ نَشَ مِنِ عَ مَ تّ شْورَ نَشَن نُ سَنسِ بِلِ فَنقٍ فبٍنفبٍرٍنيِ مَ، سِنَيِ فٍيَ قَرِ.
31عَننَبِ مُنسَ تٌ نَ قٍ تٌ، عَ نَشَ كَابَ. عَ تٌ عَ مَسٌ عَ رَ، عَ شَ عَ عِفبّ، عَ نَشَ مَرِفِ شُي مّ.
32‹عِ بَبَيٍ مَرِفِ عَلَ نَن ﭑ نَ، عِبُرَهِمَ، عِسِيَفَ، نُن يَشُبَ مَرِفِ عَلَ.› عَننَبِ مُنسَ نَشَ سّرّن، عَ نَشَ فَاشُ عَ عِفبّقٍ مَ.
33مَرِفِ نَشَ عَ قَلَ عَ بّ، ‹سَنكِرِ بَ عِ سَنيِ، بَرِ مَ عِ تِشِ دّننَشّ، بْشِ سّنِيّنشِ نَ عَ رَ.
34ﭑ بَرَ ﭑ مَ حَمَ شَ تْورّ تٌ مِسِرَ، ﭑ بَرَ عٍ كُتُن شُي مّ. ﭑ بَرَ فٌرٌ ﭑ شَ شْرّيَ قِ عٍ مَ. يَكْسِ، ﭑ شَ عِ شّي مِسِرَ.›
35عَلَ عَننَبِ مُنسَ شّي نّ، عٍ عَ قَلَ نَشَن بّ، ‹ندٍ عِ تِشِ مَنفّ نُن كِيتِسَ رَ مُشُ شُن مَ.› مَلٍكّ نَشَن مِنِشِ عَ مَ تّ شْورَ عَ نَشَ عَ مَسٍن عَ بّ عَ شَ قِندِ مَنفّ نُن مَرَكِسِمَ رَ.»
36«عَننَبِ مُنسَ نَن عِسِرَيِلَكَيٍ رَ مِنِ مِسِرَ بْشِ رَ. حّ تٌنفٌ نَانِ بُن مَ، عَ نَشَ تْنشُمَيٍ نُن كَابَنَكٌييٍ رَبَ مِسِرَ، شُلُنيُمِ بَا، نُن فبٍنفبٍرٍنيِ مَ.
37عَننَبِ مُنسَ تَن نَشَ عَ قَلَ عِسِرَيِلَ بّ، ‹عَلَ نَمِحْنمّ رَ مِنِمَ وٌ نفَشَكٍرٍنيِيٍ نَن يَ مَ نَشَن لُمَ عَلْ ﭑ تَن.›
38وٌن بٍنبَيٍ حَمَ عٍ تٌ نُ مَلَنشِ فبٍنفبٍرٍنيِ مَ، مَلٍكّ نَشَ وْيّن عَننَبِ مُنسَ بّ سِنَيِ فٍيَ قَرِ. عَ سّرِيّ نَشَن مّشِ، عَ نَشَ نَ رَدَنفِ وٌن مَ.»
39«كْنْ وٌن بٍنبَيٍ مُ تِن عَ شَ يَامَرِ سُشُدٍ. عٍ نَشَ عَ مَتَندِ، عٍ عٍ بْحّ تِ مِسِرَ رَ.
40عٍ نَشَ عَ قَلَ هَرُنَ بّ، ‹عَلَيٍ يَءِلَن وٌن بّ، نَشٍيٍ حّرّ مَ وٌن يَ رَ، بَرِ مَ يِ مُنسَ نَشَن وٌن نَمِنِشِ مِسِرَ، وٌن مُ عَ كٌلٌن سٍ نَشَن عَ سْتْشِ.›
41عٍ نَشَ كُيٍ يَءِلَن نِنفٍ مِسَالِ رَ، عٍ قَ سّرّشّ بَ عَ بّ. عٍ نَشَ حّلّشِن نَ رَ، عٍ نَشَن يَءِلَنشِ عٍ بّلّشّيٍ رَ.»
42«عَوَ، عَلَ نَشَ عَ كٌبٍ سٌ عٍ رَ، عَ نَشَ عٍ رَبٌلٌ، عٍ شَ تُنبُييٍ بَتُ، عَلْ عَ سّبّشِ نَمِحْنمّ شَ كِتَابُي كُي كِ نَشّ. ‹عِسِرَيِلَ بْنسْي، وٌ سّرّشّيٍ بَ ﭑ تَن نَن بّ حّ تٌنفٌ نَانِ بُن مَ فبٍنفبٍرٍنيِ مَ؟
43وٌ بَرَ مْلْكْ كُيٍ بَتُ، وٌ بَرَ رٍ مٍقَن تُنبُي كُيٍ بَتُ، وٌ كُيٍ نَشٍيٍ يَءِلَنشِ وٌ بّلّشّ رَ. نَ نَن عَ تٌشِ ﭑ قَن وٌ شَنِنمَ بَبِلْن شَنبِ رَ.›»
44«عَلَ شَ هْرْ مْلِنفِرَ، عَ شَ سٍيدٍحْشْيَ سّبّلِ نَ دّننَشّ، نَ نُ نَ وٌن بٍنبَيٍ تَفِ فبٍنفبٍرٍنيِ مَ. عَلَ نُ بَرَ عَ مِسَالِ مَسٍن عَننَبِ مُنسَ بّ، عَ نَشَ عَ يَامَرِ عَ شَ عَ يَءِلَن نَ كِ.
45وٌن بٍنبَيٍ تٌ هْرْ مْلِنفِرَ سْتْ، عٍ نَشَ عَ شَنِن بْشِ مَ عَلَ سِ فبّتّيٍ كٍرِ دّننَشّ، يٌسُوٍ شَ يَامَرِ بُن مَ. عَ نَشَ لُ نَا هَن دَوُدَ شَ وَشَتِ.»
46«دَوُدَ نَشَن نَقَنشِ عَلَ مَ، نَ نَشَ عَ مَشْرِن عَ شَ لِنفِرَ تِ عَ تَن يَشُبَ مَرِفِ عَلَ بّ.
47كْنْ سُلٍمَنِ نَن قَ نَ لِنفِرَ تِ عَلَ بّ.
48كْنْ عَلَ شِلِ شُنفبٍ كَنيِ مُ سَبَتِمَ عَدَ مَ شَ بَنشِ تِشِ كُي. نَمِحْنمّ نَ نَن مَسٍنشِ،
49‹وٌ مَرِفِ نَشّ، كٌورٍ، ﭑ مَ كِبَنيِ، بْشِ، ﭑ سَنتِدٍ. وٌ بَنشِ مُندُن تِمَ ﭑ بّ؟ وٌ يِرٍ مُندُن قِندِ مَ ﭑ مَ مَلَبُدٍ رَ؟
50ﭑ تَن شَ مُ نَ بِرِن يَءِلَنشِ؟›»
51«وٌ شَشِلِ نُن وٌ تُلِ شْرْشْ، وٌ سٌندٌنيِ مُ قَن. وٌ عَلَ شَشِلِ سّنِيّنشِ مَتَندِ مَ تّمُي بِرِن عَلْ وٌ بٍنبَيٍ عَ رَبَ كِ نَشّ.
52وٌ بٍنبَيٍ نَمِحْنمّيٍ بِرِن حَشَنكَتَ نّ. عٍ نَمِحْنمّيٍ قَشَ نّ، نَشٍيٍ نُ عَلَ شَ تِنشِنتْي شَ قَقٍ قَلَمَ. يَكْسِ وٌ بَرَ نَ قَن قَشَ.

Read تَرُشُي 7تَرُشُي 7
Compare تَرُشُي 7:25-52تَرُشُي 7:25-52