15مُشُ نفَشَكٍرٍنيِ رْ مَكَيٍ، نَشٍيٍ مُشُ شَ قٍ مّ، عٍ نَشَ قَ مُشُ رَلَندٍ، كٍلِ رْ مَ هَن عَثِيُسِ مَلَن يِرٍ نُن تَا نَشَن شِلِ بَنشِ سَشَنيِيٍ. ثْلُ تٌ عٍ تٌ عَ نَشَ عَلَ نُوَلِ سَ، عَ نَشَ لِمَنِيَ.
16مُشُ تٌ سٌ رْ مَ، سْورِ مِشِ كّمّ شُنمَتِ نَشَ فٍيلِمَنِيٍ سٌ مَنفّ يِ رَ، كْنْ عَ نَشَ ثْلُ لُ عَ كٍرٍنيِ مَ، عَ نُن سْورِ كٍرٍن نَشَن عَ كَنتَمَ.
17شِ سَشَن تٌ دَنفِ، ثْلُ نَشَ يُوِقِ كُنتِفِيٍ شِلِ. عٍ تٌ مَلَن، عَ نَشَ يِ وْيّنيِ تِ عٍ بّ، «ﭑ نفَشَكٍرٍنيِيٍ، هَلِ ﭑ تٌ مُ قٍقٍ رَبَشِ وٌن مَ مِشِيٍ رَ، نُن وٌن بٍنبَيٍ شَ نَامُنيِيٍ رَ، يُوِقِيٍ بَرَ ﭑ سَ فٍيلِ كُي دَرِ سَلَمُ، نَ شَنبِ عٍ مَن قَ ﭑ سٌ رْ مَكَيٍ يِ رَ.
18عٍ تٌ فّ ﭑ مَشْرِندٍ، عٍ نُ وَ مَ ﭑ نَبٌلٌقٍ نّ، بَرِ مَ عٍ مُ سٍسٍ تٌشِ ﭑ قَشَمَ نَشَن مَ.
19كْنْ يُوِقِيٍ مُ تِن. نَ مَ، ﭑ نَشَ مَنفّ شُنفبٍ شَ كِيتِ مَشَندِ، كْنْ ﭑ مُ وَ ﭑ بْنسْي نَن كَلَمُقٍ.
20نَ نَ عَ رَ، ﭑ نَشَ وَ وٌ تٌقٍ عَلَكٌ ﭑ شَ وْيّن وٌ رَ، بَرِ مَ عِسِرَيِلَكَيٍ شَشِلِ تِشِ شّيرَ نَشَن نَ، نَ شَ قٍ نَن عَ تٌشِ عٍ يِ يْلْنشْنيِ سَشِ ﭑ مَ.»
21عٍ نَشَ عَ يَابِ، «مُشُ مُ بَتَاشّ يٌ سْتْشِ عِ شَ قٍ رَ كٍلِ يُدَيَ. وٌن نفَشَكٍرٍنيِ يٌ مُ قَشِ قٍ حَاشِ قَلَدٍ عِ شَ قٍ رَ.
تَرُشُي 28
تَرُشُي 28:15-21