تَرُشُي 28:13-31

¹³مُشُ تٌ كٍلِ نَا، مُشُ نَشَ سِفَ رٍفِيٌ بَا دّ رَ. قٌيٍ تٌ كٍلِ يِرٍقَنيِ مَ نَ كُيٍ عِبَ، مُشُ نَشَ شِ قِرِن حّرّ رَبَ هَن ثُسٌلِ.

¹⁴مُشُ نَشَ نفَشَكٍرٍنيِيٍ لِ نَا نَشٍيٍ مُشُ مَيَندِ شِ سٌلٌقٍرٍ رَدَنفِقٍ رَ عٍ شْنيِ. نَ تّمُي مُشُ سِفَ نّ هَن رْ مَ.

¹⁵مُشُ نفَشَكٍرٍنيِ رْ مَكَيٍ، نَشٍيٍ مُشُ شَ قٍ مّ، عٍ نَشَ قَ مُشُ رَلَندٍ، كٍلِ رْ مَ هَن عَثِيُسِ مَلَن يِرٍ نُن تَا نَشَن شِلِ بَنشِ سَشَنيِيٍ. ثْلُ تٌ عٍ تٌ عَ نَشَ عَلَ نُوَلِ سَ، عَ نَشَ لِمَنِيَ.

¹⁶مُشُ تٌ سٌ رْ مَ، سْورِ مِشِ كّمّ شُنمَتِ نَشَ فٍيلِمَنِيٍ سٌ مَنفّ يِ رَ، كْنْ عَ نَشَ ثْلُ لُ عَ كٍرٍنيِ مَ، عَ نُن سْورِ كٍرٍن نَشَن عَ كَنتَمَ.

¹⁷شِ سَشَن تٌ دَنفِ، ثْلُ نَشَ يُوِقِ كُنتِفِيٍ شِلِ. عٍ تٌ مَلَن، عَ نَشَ يِ وْيّنيِ تِ عٍ بّ، «ﭑ نفَشَكٍرٍنيِيٍ، هَلِ ﭑ تٌ مُ قٍقٍ رَبَشِ وٌن مَ مِشِيٍ رَ، نُن وٌن بٍنبَيٍ شَ نَامُنيِيٍ رَ، يُوِقِيٍ بَرَ ﭑ سَ فٍيلِ كُي دَرِ سَلَمُ، نَ شَنبِ عٍ مَن قَ ﭑ سٌ رْ مَكَيٍ يِ رَ.

¹⁸عٍ تٌ فّ ﭑ مَشْرِندٍ، عٍ نُ وَ مَ ﭑ نَبٌلٌقٍ نّ، بَرِ مَ عٍ مُ سٍسٍ تٌشِ ﭑ قَشَمَ نَشَن مَ.

¹⁹كْنْ يُوِقِيٍ مُ تِن. نَ مَ، ﭑ نَشَ مَنفّ شُنفبٍ شَ كِيتِ مَشَندِ، كْنْ ﭑ مُ وَ ﭑ بْنسْي نَن كَلَمُقٍ.

²⁰نَ نَ عَ رَ، ﭑ نَشَ وَ وٌ تٌقٍ عَلَكٌ ﭑ شَ وْيّن وٌ رَ، بَرِ مَ عِسِرَيِلَكَيٍ شَشِلِ تِشِ شّيرَ نَشَن نَ، نَ شَ قٍ نَن عَ تٌشِ عٍ يِ يْلْنشْنيِ سَشِ ﭑ مَ.»

²¹عٍ نَشَ عَ يَابِ، «مُشُ مُ بَتَاشّ يٌ سْتْشِ عِ شَ قٍ رَ كٍلِ يُدَيَ. وٌن نفَشَكٍرٍنيِ يٌ مُ قَشِ قٍ حَاشِ قَلَدٍ عِ شَ قٍ رَ.

²²كْنْ، مُشُ وَ مَ عَ كٌلٌنقٍ نّ عِ نَشَن مَحْشُنشِ، بَرِ مَ مُشُ عَ كٌلٌن عٍ يِ دِينّ شَ قٍ عِبَشَنتِنمَ يِرٍ بِرِن.»

²³ثْلُ نَشَ لْشْي كٍرٍن سٌ عٍ يِ. مِشِ وُيَشِ تٌ قَ عَ شْنيِ، ثْلُ نَشَ عَلَ شَ مَنفّيَ سٍيدٍحْشْيَ بَ. عَ نَشَ عِسَ شَ قٍ مَسٍن عٍ بّ تَوُرٍتَ مُنسَ نُن نَمِحْنمّيٍ شَ كِتَابُي سَابُي رَ كٍلِ فّيسّفّ هَن نُنمَرٍ.

²⁴ندٍيٍ نَشَ لَ عَ رَ، كْنْ بٌورٍيٍ مُ دَنشَنِيَ.

²⁵عٍ تٌ نُ قَتَنمَ لَنتَرٍيَ كُي، ثْلُ نَشَ يِ مَسٍنيِ سَ عَ قَرِ، «عَلَ شَشِلِ سّنِيّنشِ عَ قَلَ نّ وٌ بٍنبَيٍ بّ نْندِ كِ مَ عَننَبِ عٍسَيِ سَابُي رَ. عَ نَشّ،

²⁶‹سِفَ يِ مِشِيٍ شْن مَ، عِ شَ عَ قَلَ عٍ بّ؛ “وٌ عَ مّمَ وٌ تُلِيٍ رَ، كْنْ وٌ مُ عَ قَهَامُمَ. وٌ عَ تٌمَ وٌ يَيٍ رَ، كْنْ وٌ مُ عَ عِفبّمَ.”

²⁷بَرِ مَ يِ مِشِيٍ سٌندٌنيِ بَرَ شْرْشْ. عٍ بَرَ عٍ تُلِيٍ دّ سّ. عٍ بَرَ عٍ يَيٍ رَشِ، عَلَكٌ عٍ نَشَ عَ تٌ عٍ يَيٍ رَ، عٍ نَشَ عَ مّ عٍ تُلِيٍ رَ، عٍ نَشَ عَ قَهَامُ عٍ شَشِلِ رَ. شَ نَ مُ عَ رَ عٍ عٍ سٌندٌنيِ مَقِندِ مَ نّ، عَلَكٌ عَلَ شَ عٍ رَيَلَن.›»

²⁸«عَوَ، وٌ شَ عَ كٌلٌن عَ عَلَ شَ كِسِ بَرَ رَ سَنبَ سِ فبّتّيٍ مَ. عٍ قَمَ عٍ تُلِ مَتِدٍ عَ رَ.»

²⁹عَ تٌ نَ قَلَ، يُوِقِيٍ نَشَ سِفَ شْرْشْي كُي عٍ بٌورٍيٍ تَفِ.

³⁰ثْلُ نَشَ لُ بَنشِ ندٍ كُي حّ قِرِن، عَ نُ عَ سَرٍ قِ. نَشٍيٍ بِرِن نُ قَمَ عَ تٌدٍ، عَ نُ عٍ بِرِن نَسّنّمَ.

³¹عَ نُ عَلَ شَ مَنفّيَ نِينِ شَ قٍ نَن كَوَندِ مَ عَ نُن مَرِفِ عِسَ شَ قٍ، عَلَ شَ مِشِ سُفَندِشِ. عَ نَشَ نَ بِرِن نَبَ لِمَنِيَ رَ، مِشِ يٌ مُ عَ تْورْ.