تَرُشُي 25:5-21

⁵وٌ شَ يَرٍرَتِ ندٍيٍ شَ ﭑ مَتِ، وٌ شَ ثْلُ كَلَمُ نَا شَ عَ بَرَ سَ قٍ حَاشِ ندٍ رَبَ.»

⁶قّسِتُ مُ سٍ سَ شِ سٌلٌمَسَشَن قَرِ، شَ نَ مُ عَ رَ شِ قُ دَرِ سَلَمُ، عَ نَشَ فٌرٌ سٍسَرٍ. نَ كُيٍ عِبَ، عَ نَشَ دْشْ عَ شَ كِيتِ كِبَنيِ مَ. عَ نَشَ يَامَرِ قِ عٍ شَ قَ ثْلُ رَ.

⁷عَ تٌ قَ، يُوِقِيٍ نَشٍيٍ قَ كٍلِ دَرِ سَلَمُ، عٍ نَشَ عَ رَبِلِن. عٍ نَشَ تْوحّفّ فبٍفبٍ سَ عَ شُن، عٍ مُ نُ نْمَ نَشَن مَسٍندٍ نْندِ رَ.

⁸ثْلُ نَشَ سٌ عَ يّتّ شُنمَقَلَقٍ، عَ نُ عَ قَلَ، «ﭑ مُ قٍ حَاشِ يٌ رَبَشِ يُوِقِيٍ شَ سّرِيّ رَ، شَ نَ مُ هْرْ مْبَنشِ رَ، شَ نَ مُ عَ رَ رْ مَ مَنفّ رَ.»

⁹قّسِتُ تٌ وَ عَ يّتّ مَقَنقٍ يُوِقِيٍ شْن، عَ نَشَ ثْلُ مَشْرِن، «عِ وَ مَ تٍقٍ دَرِ سَلَمُ عِ شَ سَ مَكِيتِ يِ قٍيٍ مَ ﭑ يَ شْرِ؟»

¹⁰ثْلُ نَشَ عَ يَابِ، «ﭑ لَنمَ ﭑ شَ مَكِيتِ مَنفَسَنيِ شَ كِيتِ بَنشِ نَن كُي، ﭑ تِشِ دّننَشّ يِ كِ. ﭑ مُ قٍ كٌبِ يٌ رَبَشِ يُوِقِيٍ رَ. عِ قَن نَ كٌلٌن عَ قَنيِ رَ.

¹¹شَ ﭑ بَرَ قٍ حَاشِ رَبَ عَ لَنمَ ﭑ شَ قَشَ نَشَن مَ، ﭑ مُ تٌندِ مَ ﭑ شَ قَشَ، كْنْ شَ عٍ نَشَن قَلَمَ وُلٍ نَ عَ رَ، عَ مُ لَن مِشِ يٌ شَ ﭑ سٌ عٍ يِ رَ. مَنفّ شُنفبٍ شَ سَ ﭑ مَكِيتِ رْ مَ.»

¹²قّسِتُ تٌ وْيّن عَ رَ سِمَيٍ رَ، عَ نَشَ عَ قَلَ ثْلُ بّ، «عِ بَرَ وَ سِفَقٍ مَنفّ شُنفبٍ شْن. عَوَ، عِ سِفَمَ نّ.»

¹³شِ ندٍ تٌ دَنفِ، مَنفّ عَفِرِثَ نُن بٍرِنِسِ نَشَ سٌ سٍسَرٍ قّسِتُ شّيبُدٍ.

¹⁴عٍ تٌ بَرَ شِ وُيَشِ رَدَنفِ نَا، قّسِتُ نَشَ ثْلُ شَ قٍ قَلَ مَنفّ عَفِرِثَ بّ. عَ نَشّ، «قٍلِسِ بَرَ فٍيلِمَنِ ندٍ لُ بٍ.

¹⁵ﭑ نُ نَ دَرِ سَلَمُ تّمُي نَشّ، سّرّشّدُبّ كُنتِفِيٍ نُن يُوِقِيٍ قٌرِيٍ نَشَ عَ كَلَمُ، عٍ مَن نَشَ وَ عَ شَ قَشَ.

¹⁶ﭑ نَشَ عٍ يَابِ عَ رْ مَكَيٍ شَ سّرِيّ مُ مِشِ قَشَمَ، قٌ عَ شَ عَ فبٍ قَلَ كَلَمُسَيٍ بّ كِيتِسَ يَ شْرِ.

¹⁷نَ قٍ نَن عٍ رَقَشِ بٍ. ﭑ قَن مُ دُفُندِ. نَ كُيٍ عِبَ، ﭑ نَشَ دْشْ ﭑ مَ كِيتِ بَنشِ. ﭑ نَشَ يَامَرِ قِ عٍ شَ قَ نَ شّمّ رَ.

¹⁸كَلَمُسَيٍ تٌ عٍ دّنتّفّ، عٍ مُ قٍ حَاشِ يٌ قَلَ عَ شُن مَ، ﭑ نُ نَشٍيٍ مَحْشُنشِ.

¹⁹عٍ نُ شْرْشْمَ عٍ شَ دِينّ نَن مَ قٍ رَ، عَ نُن عِسَ شَ قٍ رَ. عٍ نَشّ عَ بَرَ قَشَ، كْنْ ثْلُ نَشّ عَ بَلٌشِ.

²⁰عَوَ، ﭑ تٌ مُ عَ كٌلٌن عَ لَن ﭑ شَ نَشَن نَبَ، ﭑ نَشَ عَ مَشْرِن شَ عَ وَ مَ سِفَقٍ دَرِ سَلَمُ، عَ شَ مَكِيتِ نَا.

²¹كْنْ ثْلُ نَشَ وَ عَ شَ قٍ شَنِنقٍ مَنفّ شُنفبٍ شْن مَ. نَ تّمُي ﭑ نَشَ يَامَرِ قِ عٍ شَ عَ كَنتَ هَن ﭑ عَ رَ سَنبَمَ مَنفّ شُنفبٍ مَ تّمُي نَشّ.»