تَرُشُي 21:3-26

³مُشُ تٌ بَرَ سِثِرِ سُرِ تٌ، مُشُ نَشَ دَنفِ نَ رَ كْولَ مَ، سِفَقٍ سِرِيَ بِرِ رَ. مُشُ نَشَ تِ تِرٍ عَلَكٌ كٌتٍ شَ رَفٌرٌ.

⁴مُشُ نَشَ عِسَ قْشِرَبِرّيٍ ندٍيٍ لِ نَا. مُشُ نَشَ شِ سٌلٌقٍرٍ رَدَنفِ عٍ شْنيِ. عَلَ شَشِلِ سّنِيّنشِ نَشَ فٌرٌ عِسَ قْشِرَبِرّيٍ مَ، عٍ شَ عَ قَلَ ثْلُ بّ عَ نَشَ تٍ دَرِ سَلَمُ.

⁵كْنْ شِ سٌلٌقٍرٍ كَمَلِ لْشْي، مُشُ نَشَ كِرَ تٌنفٌ سِفَقٍ رَ. عٍ بِرِن نَشَ مُشُ مَتِ، عَ نُن عٍ شَ فِنّيٍ نُن عٍ شَ دِيٍ رَ، هَن تَا قَرِ مَ. مُشُ نَشَ مُشُ شِنبِ سِن بَا دّ رَ عَلَ مَشَندِقٍ رَ.

⁶حُنفُي تٌ حْن، مُشُ نَشَ بَكِ كُنكُي كُي. بٌورٍيٍ تَن نَشَ فبِلٍن عٍ شْنيِ.

⁷مُشُ نَشَ كٍلِ تِرٍ سِفَقٍ رَ ثِتٌلٌمَيِ. مُشُ نَشَ نفَشَكٍرٍنيِيٍ شّيبُ مّننِ، مُشُ نَشَ قّيحّن نَا.

⁸نَ كُيٍ عِبَ، مُشُ نَشَ سِفَ سٍسَرٍ، قِلِثُ شِبَارُ قَنيِ كَوَندِلَ شْنيِ، نَشَن نُ نَ مِشِ سُفَندِشِ سٌلٌقٍرٍ يَ مَ.

⁹عَ شَ دِ فِنّ نَانِ نُ نَ نَشٍيٍ مُ نُ دْشْ شّمّ تَا. عٍ نُ نَمِحْنمّ وَلِ رَبَمَ.

¹⁰مُشُ تٌ بَرَ شِ وُيَشِ رَبَ نَا، عَلَ شَ نَمِحْنمّ نَشَن شِلِ عَفَبُ، نَشَ قَ مُشُ شْنيِ كٍلِقٍ يُدَيَ.

¹¹عَ نَشَ ثْلُ شَ بّلّتِ تٌنفٌ، عَ نَشَ عَ يّتّ كَن سَنيِيٍ نُن عَ بّلّشّيٍ شِرِ. عَ نَشَ عَ قَلَ، «عَلَ شَشِلِ سّنِيّنشِ يِ نَن مَسٍنشِ. شّمّ نَشَن فبٍ يِ بّلّتِ رَ، يُوِقِيٍ عَ شِرِ مَ يِ مْولِ نَن نَ دَرِ سَلَمُ، عٍ عَ سٌ مِشِيٍ يِ رَ نَشٍيٍ قِندِ سِ فبّتّيٍ رَ.»

¹²مُشُ تٌ نَ مّ، مُشُ نُن نَاكَيٍ نَشَ ثْلُ مَشَندِ عَ نَشَ تٍ دَرِ سَلَمُ.

¹³عَ نَشَ مُشُ يَابِ، «مُنقٍ رَ وٌ وَ مَ ﭑ بْحّ مَحَاشُقٍ وٌ يَيٍ رَ؟ ﭑ بَرَ تِن عٍ شَ ﭑ شِرِ دَرِ سَلَمُ، عٍ شَ ﭑ قَشَ، مَرِفِ عِسَ شِلِ شَ قٍ رَ.»

¹⁴عَ تٌ مُ تِن مُشُ شُي سُشُدٍ، مُشُ مُ تِن عَ كَرَشَندٍ. مُشُ نَشَ عَ قَلَ، «مَرِفِ سَفٌ شَ رَبَ.»

¹⁵نَ لْشْييٍ تٌ دَنفِ، مُشُ نَشَ مُشُ يَءِلَن، مُشُ نَشَ تٍ دَرِ سَلَمُ.

¹⁶عِسَ قْشِرَبِرّيٍ ندٍيٍ سٍسَرٍكَيٍ نَشَ مُشُ مَتِ. عٍ نَشَ مُشُ شَنِن مٍنَسٌن سِثِرِكَ شْنيِ، نَشَن قِندِشِ عِسَ قْشِرَبِرّ رَ عَ رَكُيَ. عَ نَشَ مُشُ يِفِيَ.

¹⁷مُشُ تٌ سٌ دَرِ سَلَمُ، عِسَ قْشِرَبِرّيٍ نَشَ مُشُ رَ سّنّ حّلّشِنيِ رَ.

¹⁸نَ كُيٍ عِبَ، مُشُ نُن ثْلُ نَشَ سِفَ يَكِ شْنيِ. دَنشَنِيَتْي حَمَ كُنتِفِ بِرِن نَشَ عٍ مَلَن نَا.

¹⁹عَ تٌ فّ عٍ شّيبُدٍ، ثْلُ نَشَ عَ شَ وَلِ دّنتّفّ سَ عَلَ نَشَن نَبَشِ سِ فبّتّيٍ تَفِ عَ سَابُي رَ.

²⁰عٍ تٌ نَ مّ، عٍ نَشَ عَلَ مَتْشْ. عٍ نَشّ، «مُشُ نفَشَكٍرٍنيِ، عِ بَرَ عَ تٌ يُوِقِ وُلُ وُيَشِ بَرَ دَنشَنِيَ، كْنْ عٍ مَن عٍ تُننَبّشِشِ بِرَقٍ عَننَبِ مُنسَ شَ سّرِيّ قْشْ رَ.

²¹مِشِ ندٍيٍ بَرَ عَ قَلَ عٍ بّ عَ عِ يُوِقِيٍ شَرَنمَ، نَشٍيٍ نَ سِ فبّتّيٍ يَ مَ، عَ عٍ شَ فبِلٍن عَننَبِ مُنسَ شَ سّرِيّيٍ قْشْ رَ، عَ عٍ نَشَ عٍ شَ دِيٍ سُننَ، عَ عٍ نَشَ بِرَ يُوِقِيٍ شَ نَامُنيِيٍ قْشْ رَ.»

²²«وٌن نَ مَ دِ؟ سِيكّ يٌ مُ نَ، حَمَ عَ كٌلٌنمَ نّ عَ عِ بَرَ قَ.

²³نَ نَ عَ رَ، مُشُ نَشَن قَلَمَ عِ بّ عِ شَ عَ رَبَ. مِشِ نَانِ نَ مُشُ يَ مَ، نَشٍيٍ بَرَ لَايِدِ تٌنفٌ عَلَ بّ.

²⁴عِ شَ كَقُ عٍ مَ، وٌ بِرِن شَ وٌ يّتّ رَ سّنِيّن، عِ مَن شَ عٍ سَرٍ قِ، عٍ شَ عٍ شُنيِ بِ. نَ نَ عَ رَ بِرِن عَ كٌلٌنمَ عَ مِشِيٍ نَشَن قَلَشِ عِ شُن مَ، وُلٍ نَ عَ رَ. عٍ شَ عَ كٌلٌن عِ قَن بِرَشِ عَننَبِ مُنسَ شَ سّرِيّ نَن قْشْ رَ.

²⁵مُشُ نَشَ نَتّ تٌنفٌ، مُشُ مَن قَ نَ سّبّ. دَنشَنِيَتْييٍ نَشٍيٍ كٍلِ سِ فبّتّيٍ مَ، عٍ نَشَ سُبٍ دٌن نَشَن بَشِ سّرّشّ رَ كُيٍيٍ بّ، نُن سُبٍ يُقَشِيٍ. عٍ نَشَ وُلِ قَن مِن. عٍ مَن نَشَ يّنّ قَن نَبَ.»

²⁶عَوَ نَ كُيٍ عِبَ، ثْلُ نَشَ نَ مِشِيٍ تٌنفٌ، عٍ نَشَ عٍ يّتّ رَ سّنِيّن. نَ شَنبِ عَ نَشَ سٌ هْرْ مْبَنشِ كُي، عَ شَ عَ مَسٍن، مَرَ سّنِيّنيِ رَكَمَلِمَ لْشْي نَشَن مَ، عَ نُن سّرّشّ نَشَن بَمَ كَنكَن بّ.