تَرُشُي 20:15-38

¹⁵كٍلِ مّننِ، مُشُ نَشَ سِفَ بَا كِرَ رَ. نَ قَن كُيٍ عِبَ، مُشُ نَشَ كِيٌ لِ. نَ شَنبِ، مُشُ نَشَ سِفَ هَن سَمٌسِ. نَ لْشْي كُيٍ عِبَ، مُشُ نَشَ مِلٍتٌ لِ.

¹⁶ثْلُ نُ بَرَ نَتّ تٌنفٌ عَ شَ دَنفِ عٍقّسّ مَبِرِ عَلَكٌ عَ نَشَ بُ عَسِ بْشِ مَ. عَ نُ فبَتَشِ عَ شَ سٌ دَرِ سَلَمُ شّ شَبّ سَلِ لْشْي شَ عَ سَ سْونّيَمَ عَ بّ.

¹⁷ثْلُ تٌ مِلٍتٌ لِ، عَ نَشَ شّيرَ تِ عَ عٍقّسّ دَنشَنِيَتْي حَمَ كُنتِفِيٍ شَ قَ.

¹⁸عٍ تٌ قَ عَ يِرٍ، عَ نَشَ عَ قَلَ عٍ بّ، «وٌ عَ كٌلٌن ﭑ حّرّشِ وٌ تَفِ كِ نَشّ. كَبِ ﭑ سٌ عَسِ،

¹⁹ﭑ مَرِفِ شَ وَلِ رَبَ يّتّ مَفٌرٌي نَن كُي. ﭑ يَيٍ بَرَ مِنِ، ﭑ بَرَ تْورْ يُوِقِيٍ شَ وَلِ حَاشِ سَابُي رَ.

²⁰وٌ عَ كٌلٌن عَ ﭑ مُ وٌ مُنَقَن سٍ يٌ نْشُن وٌ مَ. ﭑ بَرَ كَوَندِ تِ وٌ بّ كّنّ مَ نُن وٌ شَ بَنشِيٍ كُي.

²¹ﭑ نُ عَ قَلَمَ نّ يُوِقِيٍ نُن فِرّكِكَيٍ بّ عٍ شَ تٌفٌندِيَ عَلَ مَ، عٍ شَ دَنشَنِيَ وٌن مَرِفِ عِسَ، عَلَ شَ مِشِ سُفَندِشِ مَ.»

²²«يَكْسِ عَلَ شَشِلِ سّنِيّنشِ وَ مَ نّ ﭑ شَ سِفَ دَرِ سَلَمُ، كْنْ ﭑ مُ عَ كٌلٌن نَشَن سِفَمَ ﭑ سْتْدٍ نَا.

²³تَا بِرِن كُي عَلَ شَشِلِ سّنِيّنشِ بَرَ ﭑ نَكٌلٌن عَ فٍيلِ نُن تْورّ قَمَ نّ ﭑ لِدٍ نَا.

²⁴كْنْ ﭑ نِي تِدٍ يٌ مُ نَ ﭑ بّ. ﭑ شَ ﭑ مَ شّيرَيَ رَكَمَلِ، ﭑ مَرِفِ عِسَ نَشَن تَشُشِ ﭑ نَ. ﭑ شَ قِندِ عَلَ شَ هِننّ سٍيدٍحْشْيَ بَ رَ، نَشَن قِندِشِ شِبَارُ قَنيِ رَ.»

²⁵«يَكْسِ ﭑ عَ كٌلٌن وٌ مُ ﭑ يَتَفِ تٌمَ سْنْن، وٌ تَن نَشٍيٍ بِرِن وٌ تُلِ مَتِشِ ﭑ مَ كَوَندِ رَ، عَلَ شَ مَنفّيَ نِينِ شَ قٍ رَ.

²⁶نَ نَ عَ رَ، ﭑ عَ قَلَمَ وٌ بّ تٌ، وٌ شَ كٌتٍ يٌ مُ نَ ﭑ شُن،

²⁷بَرِ مَ ﭑ بَرَ عَلَ سَفٌ بِرِن مَسٍن وٌ بّ، ﭑ مُ سٍسٍ نْشُن وٌ مَ.

²⁸عَوَ، وٌ شَ مّينِ وٌ يّتّ مَ عَ نُن دَنشَنِيَتْي بِرِن، عَلَ شَشِلِ سّنِيّنشِ وٌ قِندِشِ نَشٍيٍ شَ شُنمَتِ رَ، عَلَكٌ وٌ شَ مّينِ مَرِفِ شَ دَنشَنِيَتْي حَمَ مَ، عَ نَشَن سْتْشِ عَ يّتّ وُلِ رَ. وٌ شَ عٍ كَنتَ عَلْ شُرُ سٍيٍ دّ مَدٌنيِ فْورّ كَنتَمَ كِ نَشّ.

²⁹ﭑ نَ كٌلٌن، ﭑ نَ سِفَ، مِشِ حَاشِيٍ قَمَ نّ سٌدٍ وٌ تَفِ، عَلْ وُلَ بَرٍيٍ سٌمَ فْورّ يَ مَ كِ نَشّ.

³⁰مِشِ ندٍيٍ سٌمَ وٌ تَفِ، عٍ شَ شَرَنيِ حَاشِ تِ عَلَكٌ عٍ شَ عِسَ قْشِرَبِرّيٍ بّندُن عٍ مَ.

³¹وٌ شَ وٌ مّينِ. وٌ شَ رَتُ يِ حّ سَشَنيِ بُن مَ ﭑ مُ وٌ كَوَندِقٍ عِتِ كْي نُن يَنيِ. ﭑ نَ بِرِن نَبَشِ يَيٍ نَن كُي.»

³²«عَوَ يَكْسِ، ﭑ وٌ تَشُمَ عَلَ رَ نُن عَ شَ هِننّ مَسٍنيِ رَ، نَشَن نْمَ سّنبّ نُن كّ قَنيِ قِدٍ سّنِيّنتْي بِرِن مَ.

³³ﭑ مُ نُ وَ مَ وٌ شَ كْبِرِ شَ شْن، شَ نَ مُ عَ رَ وٌ شَ شّيمَ، وٌ شَ سٌسٍيٍ.

³⁴وٌ يّتّ يَتِ عَ كٌلٌن عَ ﭑ وَلِ يِ بّلّشّيٍ نَن نَ عَلَكٌ ﭑ شَ بَلٌ ﭑ نُن ﭑ حّرّبٌورٍيٍ.

³⁵ﭑ بَرَ عَ مَسٍن وٌ بّ مْولِ بِرِن نَ، عَ وٌن لَن نّ وٌن شَ وَلِ عَلَكٌ وٌن شَ سٍتَرٍيٍ مَلِ. وٌ شَ رَتُ مَرِفِ عِسَ شَ وْيّنيِ مَ، عَ نَشّ، ‹حّلّشِنيِ نَ كِ نَن كُي، دَنفِقٍ عَ سْتْقٍ رَ.›»

³⁶عَ تٌ فّ وْيّندٍ، عَ نَشَ عَ شِنبِ سِن، عٍ بِرِن نَشَ عَلَ مَشَندِ.

³⁷عٍ بِرِن نَشَ سٌ وَقٍ. عٍ نَشَ قِندِفِلِن ثْلُ كْنيِ مَ، عٍ عَ مَسُنبُ.

³⁸عٍ سُننُن نّ بَرِ مَ عَ بَرَ عَ قَلَ عٍ مُ نْمَ عَ تٌدٍ سْنْن. عٍ نَشَ عَ مَتِ هَن كُنكُي دّ رَ.