تَرُشُي 1:2-18

²هَن عَ تٍ لْشْي كٌورٍ مَ. بٍينُن عَ شَ تٍ كٌورٍ مَ، عَ نَشَ يَامَرِ قِ عَ شَ شّيرَ سُفَندِشِيٍ مَ، عَلَ شَشِلِ سّنِيّنشِ سَابُي رَ.

³عَ شَ حَشَنكَتّ شَنبِ، عَ نَشَ مِنِ عٍ مَ شِ تٌنفٌ نَانِ بُن مَ، عَ عَ يّتّ مَسٍنمَ عٍ بّ كِرَيَ وُيَشِ عَ عَ حِحّ نَ عَ رَ. عَ نُ قَ عَلَ شَ مَنفّيَ نِينِ قٍ قَلَ عٍ بّ.

⁴عَ نُ عٍ يَ مَ تّمُي نَشّ، عَ نَشَ عَ قَلَ عٍ بّ، «وٌ نَشَ وٌ مَكُيَ دَرِ سَلَمُ رَ. وٌ شَ لُ بٍ هَن بَبَ عَلَ عَ شَ لَايِدِ رَكَمَلِمَ تّمُي نَشّ، عَلْ ﭑ نَ مَسٍنشِ وٌ بّ كِ نَشّ.

⁵يَيَ وٌ شُنشَ يٍ نَن شْورَ، كْنْ عَلَ شَشِلِ سّنِيّنشِ نَن قَمَ فٌرٌدٍ وٌ مَ يِ سَشَنيِ.»

⁶عَوَ، شّيرَيٍ تٌ عٍ مَلَن، عٍ نَشَ عِسَ مَشْرِن، «مَرِفِ، عِ عِسِرَيِلَ مَنفّيَ رَفبِلٍنمَ عَ رَ يِ تّمُي نّ؟»

⁷عِسَ نَشَ عٍ يَابِ، «نَ وَشَتِ كٌلٌنقٍ مُ نَ وٌ تَن شَ مَ. نَ نَتّ نَ بَبَ عَلَ كٍرٍن ثٍتِ نَن يِ رَ.

⁸كْنْ، وٌ سّنبّ سْتْمَ عَلَ شَشِلِ سّنِيّنشِ نَ قَ وٌ مَ تّمُي نَشّ. وٌ قِندِ مَ ﭑ مَ سٍيدٍيٍ نَن نَ دَرِ سَلَمُ نُن يُدَيَ بِرِن، سَمَرِ، هَن دُنِحَ دَندٍ.»

⁹عَ تٌ فّ نَ مَسٍنيِ تِدٍ، عَلَ نَشَ عَ رَتٍ كٌورٍ مَ عٍ يَ شْرِ، نُشُي قَ عَ نْشُن عٍ يَ تٌدٍ رَ.

¹⁰عٍ تٌ نُ عَ مَتٌمَ عَ تٍقٍ كٌورٍ مَ، شّمّ قِرِن نَشَ مِنِ عٍ مَ، سٌسٍ قِيشّ رَفٌرٌشِ عٍ مَ.

¹¹عٍ نَشَ عَ مَسٍن عِسَ قْشِرَبِرّيٍ بّ، «وٌ تَن فَلِلٍكَيٍ، مُنقٍ رَ وٌ تِشِ بٍ وٌ نُ قَ كٌورٍ مَتٌ؟ يِ عِسَ نَشَن تٌنفٌشِ وٌ تَفِ تٍقٍ كٌورٍ مَ، عَ مَن قَمَ نّ عَلْ وٌ عَ تٌشِ سِفَ رَ كِ نَشّ.»

¹²نَ شَنبِ عٍ نَشَ فبِلٍن دَرِ سَلَمُ، كٍلِقٍ فٍيَ مَ نَشَن شِلِ عٌلِوِ فٍيَ. كٍلِقٍ نَ فٍيَ مَ هَن دَرِ سَلَمُ، يَامِلّ كٍرٍن نَ عَ رَ.

¹³عٍ نَشَ سٌ كٌورٍ بَنشِ كُي، عٍ نُ دَرِشِ عٍ مَلَن نَ دّننَشّ. نَشٍيٍ نُ نَ نَ؛ ثِيّرِ، يَيَ، يَكِ، عَندِرٍ، قِلِثُ، تٌمَسِ، بَرٌتٌلٌمٍ، مَتِيُ، يَكِ عَلِقَ شَ دِ، سِمْن نَشَن قِندِ سٍلٌتِ رَ، نُن يُدَ سِ، يَكِ شَ دِ.

¹⁴عٍ بِرِن نُ عَلَ مَشَندِ مَ حَنِفٍ كٍرٍن نَ، عٍ نُن فِنّيٍ، عَ نُن مَرِيَمَ، عِسَ نفَ، عَ نُن عِسَ شُنيَيٍ.

¹⁵لْشْ ندٍ ثِيّرِ نَشَ كٍلِ، عَ تِ عَ نفَشَكٍرٍنيِيٍ تَفِ. مِشِ كّمّ مِشِ مْشْحّن حْندْن نُ مَلَنشِ نَا. عَ نَشَ عَ قَلَ عٍ بّ،

¹⁶«ﭑ نفَشَكٍرٍنيِيٍ، عَلَ شَشِلِ سّنِيّنشِ نَشَن مَسٍنشِ كِتَابُي كُي دَوُدَ سَابُي رَ، يُدَ سِ شَ قٍ رَ، نَشَن تِ مِشِيٍ يَ رَ عِسَ سُشُقٍ مَ، نَ بِرِن بَرَ كَمَلِ.

¹⁷عَ نُ نَ مُشُ تَن شّيرَيٍ نَن يَ مَ. مُشُ بِرِن نَن نُ شّيرَ وَلِ رَبَمَ.

¹⁸عٍ نَشَ بْشِ سَرَ يِ شّمّ شَ قٍ كٌبِ رَبَشِ سَرٍ رَ. يُدَ سِ نَشَ قَشَ مّننِ، عَ بِرَ، عَ قُرِ بُلَ، عَ قُرِنفّيٍ نَشَ مِنِ عَ رَ.