تَرُشُي 19:3-39

³عَ نَشَ عٍ مَشْرِن، «وٌ وٌ شُنشَ يٍ شْورَ مُنقٍ مَ؟» عٍ نَشَ عَ يَابِ، «مُشُ بَرَ مُشُ شُنشَ يٍ شْورَ عَلْ يَيَ عَ مَسٍنشِ كِ نَشّ.»

⁴عَوَ، ثْلُ نَشَ عَ قَلَ، «يَيَ نُ مِشِ شُنشَمَ يٍ شْورَ نّ تُوبِ شَ قٍ رَ. عَ نُ عَ قَلَ مِشِيٍ بّ، عٍ شَ دَنشَنِيَ مِشِ ندٍ مَ نَشَن قَمَ عَ تَن شَنبِ رَ. نَ نَن لَنشِ عِسَ مَ.»

⁵نَ مَسٍنيِ مَ عٍ نَشَ عٍ شُنشَ يٍ شْورَ مَرِفِ عِسَ شِلِ رَ.

⁶ثْلُ تٌ عَ بّلّشّ سَ عٍ مَ، عَلَ شَشِلِ سّنِيّنشِ نَشَ قَ عٍ مَ. عٍ نَشَ سٌ شُي فبّتّيٍ قَلَقٍ، عٍ مَن نُ عَلَ شَ مَسٍنيِ قَلَ.

⁷عٍ بِرِن نَلَنشِ، شّمّ قُ نُن قِرِن نَن نُ عٍ رَ.

⁸نَ دَنفِ شَنبِ، ثْلُ نَشَ سٌ سَلِدٍ كُي، عَ كَوَندِ تِ. عَ نُ قٍ تَفِ رَبَ عٍ بّ عَلَ شَ مَنفّيَ نِينِ شَ قٍ رَ كِكٍ سَشَن بُن مَ. عَ نُ كَتَ عَ شَ مِشِيٍ نْ نَشٍيٍ تُلِ نُ مَتِشِ عَ رَ.

⁹كْنْ ندٍيٍ شَشِلِ نُ شْرْشْ، عٍ مُ لَ عَ رَ. عٍ نَشَ مَرِفِ شَ كِرَ بّشُ حَمَ يَ عِ. ثْلُ نَشَ مِنِ عٍ يَ مَ، عَ نَشَ عِسَ قْشِرَبِرّيٍ تٌنفٌ عَ شُن، عَلَكٌ عَ شَ عٍ شَرَن لْشْ يٌ لْشْ تِرَنُسِ شَ شَرَندٍ كُي.

¹⁰نَ نَشَ سِفَ هَن حّ قِرِن. يُوِقِيٍ نُن فِرّكِكَ نَشٍيٍ بِرِن نُ سَبَتِشِ عَسِ، عٍ مَرِفِ شَ مَسٍنيِ رَ مّ نَ نَن كُي.

¹¹عَلَ نُ كَابَنَكٌ شُنفبٍيٍ رَبَمَ ثْلُ بّلّشّيٍ رَ

¹²هَن عٍ نُ دُفِ نُن شُنشُرِيٍ سَ قُرٍ مَيٍ مَ، ثْلُ نُ بَرَ دِن نَشٍيٍ رَ. قُرٍ نُ بَ نّ عٍ مَ، حِننّ نُ مِنِ مِشِيٍ عِ.

¹³يُوِقِيٍ ندٍيٍ نَشٍيٍ حِننّ رَ مِنِمَ مِشِيٍ يِرٍ بِرِن، عٍ نَشَ كَتَ مَرِفِ عِسَ شِلِ رَوَلِدٍ حِننّ كَنيِيٍ بّ. عٍ عَ قَلَ، «ﭑ بَرَ وٌ يَامَرِ عِسَ شِلِ رَ ثْلُ نَشَن شَ قٍ كَوَندِ مَ.»

¹⁴سٍبَ، يُوِقِيٍ سّرّشّدُبّ كُنتِفِ ندٍ، شَ دِ سٌلٌقٍرٍ نَن نُ نَ قٍ رَبَمَ.

¹⁵حِننّ نَشَ عٍ يَابِ، «ﭑ عِسَ نُن ثْلُ كٌلٌن، كْنْ ﭑ مُ وٌ تَن كٌلٌن قٍوٌ!»

¹⁶نَ حِننّ كَنيِ نَشَ بَفَن عٍ مَ، عَ نَشَ عٍ بْنبْ هَن عٍ نَشَ عٍ فِ بَنشِ كُي عٍ رَفٍلِ نُن عٍ مَشْنْشِ رَ.

¹⁷يُوِقِ نُن فِرّكِكَ نَشٍيٍ بِرِن نُ سَبَتِشِ عٍقّسّ، عٍ نَشَ نَ قٍ كٌلٌن. فَاشُي نَشَ عٍ بِرِن سُشُ. مَرِفِ عِسَ شِلِ دَرِيّ نَشَ مَتٍ.

¹⁸دَنشَنِيَتْي وُيَشِ نَشَ قَ، عٍ نَشَ عٍ تِ عٍ شَ يُنُبِيٍ رَ، عٍ نَشَ عٍ شَ قٍ حَاشِ بِرِن قَلَ كّنّ مَ.

¹⁹دُورٍيٍ قَن نَشَ قَ عٍ شَ بُكِيٍ رَ، عٍ نَشَ عٍ فَن بِرِن يَ شْرِ. عٍ نَشَ بُكِيٍ سَرٍ كْنتِ، كْبِرِ كٌلٍ وُلُ تٌنفٌ سُولِ نَن نُ عَ رَ.

²⁰مَرِفِ شَ مَسٍنيِ نُ يِرِوَ مَ نَ كِ نّ سّنبّ رَ.

²¹يِ قٍيٍ تٌ دَنفِ، ثْلُ نَشَ نَتّ تٌنفٌ عَ شَ سِفَ دَرِ سَلَمُ. نَ بِيَاسِ كُي قٌ عَ شَ مَسٍدٌن نُن عَكَيِ بْشِ عِبٌلٌن. عَ نَشَ عَ قَلَ، «ﭑ نَ سِفَ دَرِ سَلَمُ، قٌ ﭑ شَ رْ مَ قَن لِ.»

²²عَ نَشَ عَ مَلِمَ قِرِن شّي مَسٍدٌن، تِمٌتٍ نُن عٍرَ سِتٌ، كْنْ عَ تَن نَشَ لُ عَسِ سِندٍن.

²³نَ تّمُي سْنشْي شُنفبٍ نَشَ رَبَ نَا مَرِفِ شَ كِرَ شَ قٍ مَ.

²⁴شَبُي ندٍ، نَشَن شِلِ دٍ مٍتِرِ، عَ نُ عَلَ عَرِتٍمِ شَ سَلِدٍ مِسَالِ لَنمَدِ يَءِلَنمَ فبٍتِ رَ. نَ شَبُي مْولِيٍ نُ كْبِرِ فبٍفبٍ سْتْمَ نَ وَلِ كُي.

²⁵عَ نَشَ عَ وَلِبٌورٍيٍ مَلَن، عَ عَ قَلَ عٍ بّ، «وٌ عَ كٌلٌن، وٌن بَلٌشِ يِ وَلِ نَن كُي.

²⁶وٌ بَرَ عَ تٌ، وٌ بَرَ عَ مّ، يِ ثْلُ بَرَ مِشِ فبٍفبٍ مَدَشُ عَسِ بْشِ بِرِن مَ، عٍقّسّ فبَنسَن شَ مُ عَ رَ. عَ نَشّ عَ عَلَيٍ نَشٍيٍ رَقَلَشِ مِشِيٍ بّلّشّ رَ، عَ عَلَ مُ عٍ رَ.

²⁷نَ كُي وٌن مَ وَلِ قَمَ نّ شِلِ حَاشِ سْتْدٍ. وٌن مَ عَلَ عَرِتٍمِ شَ سَلِدٍ قَن شُن نَكَنَمَ نّ. ندٍ بَمَ نّ عَرِتٍمِ شَ بِنيّ رَ عَسِ بْشِ نُن دُنِحَ مَ.»

²⁸عَ تٌ نَ قَلَ، عٍ نَشَ شْنْ، عٍ نَشَ سٌ سْنشْي رَتٍقٍ، «عٍقّسّكَيٍ شَ عَلَ عَرِتٍمِ نَن فبٌ.»

²⁹تَا بِرِن يَ نَشَ عِسٌ. عٍ نَشَ فَيُ نُن عَرِ سِتَرَكِ، ثْلُ حّرّبٌورٍ مَسٍدٌنكَيٍ، شَنِن مَلَندٍ شُنفبٍ كُي.

³⁰ثْلُ نَشَ وَ سِفَقٍ نَا، كْنْ عِسَ قْشِرَبِرّيٍ مُ تِن.

³¹عَ بٌورٍيٍ عَسِكَيٍ شُنمَتِيٍ قَن نَشَ شّيرَ تِ ثْلُ مَ، عٍ عَ مَيَندِ عَ نَشَ سِفَ مَلَن يِرٍ.

³²ندٍيٍ نُ سْنشْمَ عٍ فبٍ كِ مَ. بٌورٍيٍ قَن سْنشْمَ عٍ فبٍ كِ. لَنتَرٍيَ نُ نَ مَلَنيِ يَ مَ. مِشِ وُيَشِ مُ نُ عَ كٌلٌن عٍ مَلَنشِ قٍ نَشَن مَ.

³³عَوَ، يُوِقِيٍ نَشَ عَلٍسَندِرٍ تُتُن يَرٍ عَ شَ وْيّن. عَ نَشَ حَمَ مَسَبَرِ عَ بّلّشّ رَ عَلَكٌ عَ شَ مَسٍنيِ تِ.

³⁴كْنْ، عٍ تٌ عَ كٌلٌن عَ يُوِقِ نَن عَ رَ، عٍ بِرِن نَلَنشِ نَشَ سْنشْي رَتٍ لّيرِ قِرِن بُن مَ. عٍ نَشّ، «عٍقّسّكَيٍ شَ عَلَ عَرِتٍمِ نَن فبٌ.»

³⁵نَ شَنبِ، تَا كُنتِفِ ندٍ نَشَ حَمَ مَسَبَرِ، عَ نَشَ عَ قَلَ، «عٍقّسّكَيٍ، دُنِحَ بِرِن عَ كٌلٌن عَ عٍقّسّ تَا نَن عَرِتٍمِ شَ سَلِدٍ كَنتَمَ عَ نُن عَرِتٍمِ مَنِيّ، نَشَن فٌرٌشِ كٍلِ كٌورٍ مَ.

³⁶مِشِ يٌ مُ نَ مَتَندِ مَ. عَ لَنمَ وٌ شَ دُندُ. وٌ نَشَ فبَتَ قٍقٍ رَبَدٍ.

³⁷وٌ بَرَ قَ يِ مِشِيٍ رَ بٍ، كْنْ عٍ مُ عَرِتٍمِ مُحَ، عٍ مُ عَ كٌنبِ.

³⁸شَ دٍ مٍتِرِ نُن عَ وَلِبٌورٍيٍ وَ مَ مِشِ ندٍ كَلَمُقٍ، عٍ شَ نَ مَسٍن كِيتِسَيٍ بّ كِيتِ لْشْييٍ.

³⁹شَ وٌ وَ مَ قٍ فبّتّ نَن شْن، نَ قَن يَ عِبَمَ وٌن مَ مَلَن لْشْي.