تَرُشُي 18:2-11

²عَ نَشَ يُوِقِ كٍرٍن لِ نَا، عَ شِلِ عَكِلَ، ثٌنتُكَ نَن عَ رَ. عَ نُ بَشِ قَدٍ كٍلِ عِتَلِ عَ نُن عَ شَ فِنّ ثِرِ سِلَ، بَرِ مَ كِلْدِ نُ بَرَ يُوِقِ بِرِن يَامَرِ عٍ شَ مِنِ رْ مَ. ثْلُ نَشَ كَقُ عٍ مَ،

³بَرِ مَ عٍ نُ وَلِ كٍرٍن نَن نَبَمَ، كِرِ بَنشِ رَقَلَقٍ. عَ نَشَ لُ عٍ شْنيِ، عٍ نُ وَلِ نَا.

⁴ثْلُ نُ وْيّنمَ سَلِدٍ كُي مَلَبُ لْشْي بِرِن. عَ نُ يُوِقِيٍ نُن فِرّكِكَيٍ رَدَنشَنِيَ.

⁵سِلَسِ نُن تِمٌتٍ تٌ سٌ، كٍلِ مَسٍدٌن، ثْلُ نَشَ عَ يّتّ قِ كَوَندِ رَبَقٍ فبَنسَن مَ. عَ نُ عَ قَلَ يُوِقِيٍ بّ عَ عِسَ نَن عَلَ شَ مِشِ سُفَندِشِ رَ.

⁶كْنْ يُوِقِيٍ تٌ نَ مَتَندِ كٌنبِ رَ، ثْلُ نَشَ عَ شَ دٌنمَ عِكٌنكٌن تْنشُمَ رَ، عَ نَشَ عَ قَلَ عٍ بّ، «شَ وٌ لْي، وٌ تَن نَن قْشِ نَ نَ رَ. ﭑ تَن بَرَ نَ كٌتٍ بَ ﭑ شُن. يَكْسِ ﭑ سِفَمَ نّ سِ فبّتّيٍ مَ.»

⁷عَ تٌ كٍلِ نَا، عَ نَشَ سٌ مِشِ ندٍ شْنيِ، عَ كَنيِ شِلِ تِتِ يُسُتُ، عَ فَاشُ عَلَ يَ رَ. عَ شَ بَنشِ نُ نَ سَلِدٍ قّ مَ.

⁸نَ تّمُي، كِرِ سِثُ سَلِدٍ شُنمَتِ نَشَ دَنشَنِيَ مَرِفِ مَ عَ نُن عَ شَ دٍنبَيَ بِرِن. كٌرِنتِكَيٍ وُيَشِ نَشٍيٍ نُ ثْلُ شُي مّشِ، عٍ قَن نَشَ دَنشَنِيَ، عٍ نَشَ عٍ شُنشَ يٍ شْورَ.

⁹مَرِفِ نَشَ عَ قَلَ ثْلُ بّ لَامَتُنيِ رَ كْي كُي، «عِ نَشَ فَاشُ مُكُ! وْيّن! عِ نَشَ دُندُ،

¹⁰بَرِ مَ ﭑ نَ عِ قْشْ رَ. مِشِ يٌ بّلّشّ مُ عِ لِمَ عَ شَ قٍ حَاشِ رَبَ عِ رَ، بَرِ مَ مِشِ فبٍفبٍ نَ ﭑ بّ يِ تَا كُي.»

¹¹ثْلُ نَشَ لُ نَا حّ كٍرٍن كِكٍ سٍننِ. عَ نُ كٌرِنتِكَيٍ شَرَن عَلَ شَ مَسٍنيِ رَ.