تَرُشُي 18:15-27

¹⁵كْنْ شَ عَ سَ لِ بٌورٍ مَتَندِ نَ عَ رَ وْيّنيِ مَ، شَ نَ مُ عَ رَ شِلِيٍ مَ، عَ نُن وٌ شَ سّرِيّ مَ، نَ نَ وٌ تَن نَن مَ. ﭑ مُ وَ مَ قِندِقٍ نَ قٍ مَكِيتِمَ رَ.»

¹⁶نَ كُي، عَ نَشَ عٍ كٍرِ كِيتِ بَنشِ كُي.

¹⁷حَمَ نَشَ سَلِدٍ شُنمَتِ سٌسِتٍنٍ سُشُ، عٍ عَ بْنبْ كِيتِ بَنشِ تَندٍ مَ، كْنْ فَلِيٌن مُ عٍ هَنسَ.

¹⁸ثْلُ تٌ بُ كٌرِنتِ كِ قَنيِ رَ، عَ نَشَ كٍلِ عَ نفَشَكٍرٍنيِيٍ شُن مَ. عَ نَشَ بَكِ كُنكُي كُي عَ نُن ثِرِ سِلَ نُن عَكِلَ، عٍ سِفَ سِرِيَ. عَ نَشَ عَ شُنيِ بِ سٍنشٍرٍيَ، بَرِ مَ عَ نُ بَرَ لَايِدِ تٌنفٌ عَلَ بّ.

¹⁹عٍ تٌ سٌ عٍقّسّ، ثْلُ نَشَ عَ حّرّبٌورٍيٍ لُ نَا. عَ نَشَ سٌ سَلِدٍ كُي، عٍ نُن يُوِقِيٍ نَشَ سُمُن.

²⁰عٍ نَشَ عَ مَيَندِ عَ شَ بُ نَا،

²¹كْنْ نَ مُ عَ شُنيِ سُشُ. عَ نَشَ عَ حُنفُ عٍ مَ. عَ نَشّ، «قٌ ﭑ شَ سَ سَلِ دَرِ سَلَمُ نّ. شَ عَلَ تِن، ﭑ مَن قَمَ وٌ شْنيِ.»

²²عَوَ، عَ نَشَ بَكِ كُنكُي كُي، عَ كٍلِ عٍقّسّ، عَ سِفَ سٍسَرٍ. عَ تٌ فّ دَنشَنِيَتْي حَمَ شّيبُدٍ، عَ نَشَ فٌرٌ عَنتِيْكِ.

²³ثْلُ تٌ بَرَ سَشَنيِ رَدَنفِ عَنتِيْكِ، عَ نَشَ كِرَ تٌنفٌ، عَ نَشَ فَلَتِ نُن قِرِفِيَ بْشِ بِرِن عِسَ، عَ نُ عِسَ قْشِرَبِرّيٍ رَلِمَنِيَ.

²⁴عَثٌلٌسِ، يُوِقِ ندٍ نَشَن بَرِشِ عَلٍسَندِرٍ، عَ نَشَ عٍقّسّ لِ. عَ نُ قَتَ وْيّندٍ، عَ كِتَابُي قَن كٌلٌن.

²⁵عَ نُ شَرَنشِ مَرِفِ شَ كِرَيَ رَ. عَ نَشَ عِسَ شَ قٍ مَسٍن عَ قَنيِ رَ، كْنْ عَ نُ يَيَ شَ شَرَنيِ نَن فبَنسَن كٌلٌن شُنشَ تِقٍ يٍ شْورَ.

²⁶عَ نَشَ سٌ وْيّنقٍ عَ رَوَ سَشِ رَ سَلِدٍ كُي. عَكِلَ نُن ثِرِ سِلَ تٌ عَ شُي مّ، عٍ نَشَ كَقُ عَ مَ عَلَكٌ عٍ شَ عَلَ شَ كِرَيَ مَسٍن عَ بّ عَ كِ مَ.

²⁷نَ شَنبِ عَ تٌ نُ وَ مَ دَنفِقٍ عَكَيِ، عَ نفَشَكٍرٍنيِيٍ نَشَ عَ رَلِمَنِيَ. عٍ نَشَ بَتَاشّ سّبّ عِسَ قْشِرَبِرّيٍ مَ عَ عٍ شَ عَ رَ سّنّ. عَ شَ سِفّ نَشَ قِندِ قٍ قَنيِ رَ دَنشَنِيَتْييٍ بّ عَكَيِ بْشِ مَ، نَشٍيٍ دَنشَنِيَ عَلَ شَ هِننّ سَابُي رَ.