تَرُشُي 17:24-33

²⁴عَلَ نَشَن دُنِحَ دَاشِ، عَ نُن سٍ نَشَن بِرِن نَ عَ كُي، عَ تَن نَشَن كٌورٍ نُن بْشِ مَرِفِ رَ، عَ مُ سَبَتِشِ بَنشِ كُي مِشِ بّلّشّ نَشَن نَقَلَشِ.

²⁵عَ هَيِ مُ نَ سٍيٍ مَ عَدَ مَ نَشَن شَنِنمَ عَ شْن مَ. عَ تَن نَن بَلٌي نُن حّنفِ نُن سٍ بِرِن قِمَ مِشِ مَ.

²⁶عَ تَن نَن عَ نِيَ مِشِ بِرِن شَ مِنِ بٍنبَ كٍرٍن قَتٍ. عَ نَشَ عٍ رَ سَبَتِ بْشِ بِرِن مَ. عَ مَن نَشَ عٍ شَ وَشَتِ نُن عٍ لُدٍ نَانِنيِيٍ سَ،

²⁷عَلَكٌ عٍ شَ عَلَ قٍن، عٍ شَ كَتَ عَ كٌلٌندٍ، هَلِ عَ تٌ مُ مَكُيَ وٌن نَ.

²⁸وٌ شَ لْننِلَيٍ يَتِ قَن بَرَ عَ قَلَ، ‹وٌن بَلٌشِ عَ تَن نّ، وٌن قٍ بِرِن نَبَمَ عَ تَن نَن سَابُي رَ، نُن وٌن مِنِشِ عَ تَن نّ. عَ بْنسْي نَن وٌن نَ.›

²⁹عَوَ شَ وٌن كٍلِشِ عَ بْنسْي نّ، عَ مُ لَنمَ وٌن شَ عَ مَحْشُن عَ عَلَ مَنِيَشِ شّيمَ، فبٍتِ، شَ نَ مُ فّمّ نَن نَ، مِشِ بّلّشّ نَشَن سٌلِشِ عٍ شَشِلِ رَ.

³⁰عَلَ مُ نُ نَ قٍ كٌلٌنتَرٍيَ تّمُي مَتٌشِ، كْنْ يَكْسِ عَ بَرَ عَ قَلَ مِشِ بِرِن بّ، يِرٍ بِرِن، عٍ شَ تُوبِ،

³¹بَرِ مَ عَ بَرَ لْشْي كٍرٍن سُفَندِ، عَ قَمَ دُنِحَ مَكِيتِدٍ نَشَن مَ تِنشِنيِ رَ، مِشِ ندٍ سَابُي رَ عَ بَرَ عَ رَفِرِ نَشَن مَ. عَ بَرَ نَ كَنيِ مَتْنشُمَشِ رَكٍلِ قَشَمِشِيٍ يَ مَ.»

³²عٍ تٌ يِ قٍ مّ، قَ عَ قَلَ مِشِ كٍلِمَ قَشّ مَ، ندٍيٍ نَشَ سٌ عَ مَيٍلٍقٍ. ندٍيٍ نَشَ عَ قَلَ، «مُشُ قَمَ مُشُ تُلِ مَتِدٍ عِ رَ لْشْي فبّتّ.»

³³عَوَ، ثْلُ نَشَ مِنِ عٍ يَ مَ.