تَرُشُي 15:1-25

¹مِشِ ندٍيٍ نَشٍيٍ كٍلِ يُدَيَ، عٍ نَشَ عَ قَلَ عِسَ قْشِرَبِرّيٍ بّ، «شَ وٌ مُ وٌ سُننَ عَننَبِ مُنسَ شَ نَامُنيِ كِ مَ، وٌ مُ نْمَ كِسِدٍ.»

²ثْلُ نُن بَرَنَبَسِ نَشَ وْيّنيِ شْرْشْي قَلَ عٍ بّ. عٍ نَشَ نَتّ تٌنفٌ ثْلُ نُن بَرَنَبَسِ نُن مِشِ ندٍيٍ شَ تٍ دَرِ سَلَمُ شّيرَيٍ نُن كُنتِفِيٍ مَشْرِندٍ يِ قٍ مَ.

³دَنشَنِيَتْي حَمَ نَشَ عٍ شّي. عٍ دَنفِشِ قٍنِسِيَ نُن سَمَرِ رَ تّمُي نَشّ، عٍ نَشَ عَ مَسٍن مّننِكَيٍ بّ، مِشِ نَشٍيٍ كٍلِشِ سِ فبّتّيٍ مَ، نٍيٍ دَنشَنِيَشِ كِ نَشّ. يِ مَسٍنيِ نَشَ عِسَ قْشِرَبِرّيٍ رَحّلّشِن.

⁴عٍ تٌ سٌ دَرِ سَلَمُ، دَنشَنِيَتْي حَمَ نُن شّيرَيٍ، نُن كُنتِفِيٍ نَشَ عٍ رَ سّنّ. عَلَ نَشَن بِرِن نَبَ عٍ سَابُي رَ، عٍ نَشَ نَ يَبَ عٍ بّ.

⁵عَوَ، قَرِ سّنِ ندٍ نَشٍيٍ نُ بَرَ دَنشَنِيَ، عٍ نَشَ كٍلِ، عٍ نُ قَ عَ قَلَ، عَ لَنمَ نّ سِ فبّتّ مِشِيٍ شَ سُننَ، عٍ شَ بِرَ عَننَبِ مُنسَ شَ سّرِيّ قْشْ رَ.

⁶شّيرَيٍ نُن كُنتِفِيٍ نَشَ عٍ مَلَن عٍ شَ نَ قٍ مَتٌ.

⁷عٍ تٌ نَ قٍ عِسْنشْ سْنشْ، ثِيّرِ نَشَ كٍلِ، عَ عَ قَلَ عٍ بّ، «ﭑ نفَشَكٍرٍنيِيٍ، وٌ عَ كٌلٌن كَقِ تّمُي شْنكُيٍ عَلَ بَرَ ﭑ سُفَندِ وٌ تَفِ، عَلَكٌ سِ فبّتّ مِشِيٍ شَ شِبَارُ قَنيِ مّ ﭑ دّ رَ، عٍ شَ دَنشَنِيَ.

⁸عَوَ، عَلَ نَشَن مِشِ سٌندٌنيِ كٌلٌن، نَ بَرَ سٍيدٍيَ رَبَ عٍ بّ، عَ عَ شَشِلِ سّنِيّنشِ قِ عٍ مَ عَلْ وٌن تَن.

⁹عَ مُ مِشِ يٌ رَقِسَ عَ بٌورٍ بّ عٍ تَن نُن وٌن تَن تَفِ، بَرِ مَ عَ بَرَ عٍ سٌندٌنيِ رَ سّنِيّن دَنشَنِيَ رَ.

¹⁰يَكْسِ، مُنقٍ رَ وٌ عَلَ مَتٌمَ؟ وٌ نَ كٌتٍ دْشْقٍ عِسَ قْشِرَبِرّيٍ شُن، وٌن بٍنبَيٍ نُن وٌن تَن مُ نَشَن نْمَ.

¹¹وٌ شَ عَ كٌلٌن عَ وٌن نَكِسِشِ مَرِفِ عِسَ شَ هِننّ نَن نَ عَلْ عٍ تَن قَن.»

¹²حَمَ بِرِن نَشَ دُندُ، عٍ نَشَ عٍ تُلِ مَتِ ثْلُ نُن بَرَنَبَسِ رَ. ثْلُ نُن بَرَنَبَسِ نَشَ عَ تَفِ رَبَ بٌورٍيٍ بّ عَلَ كَابَنَكٌي نُن تْنشُمَيٍ نَشٍيٍ بِرِن نَبَ عٍ سَابُي رَ سِ فبّتّيٍ تَفِ.

¹³عٍ تٌ فّ وْيّندٍ، يَكِ نَشَ وْيّنيِ تٌنفٌ، عَ نَشّ،

¹⁴«ﭑ نفَشَكٍرٍنيِيٍ، وٌ وٌ تُلِ مَتِ ﭑ نَ. سِمْن بَرَ عَ يَبَ عَلَ مِشِيٍ سُفَندِ مَ كِ نَشّ سِيٍ يَ مَ، عَ شِلِ سَمَ نَشٍيٍ شُن مَ.

¹⁵نَمِحْنمّيٍ بِرِن شَ مَسٍنيِ لَنشِ نَ نَن مَ. عَ سّبّشِ،

¹⁶‹نَ شَنبِ ﭑ قَمَ نّ دَوُدَ شَ بَنشِ بِرَشِ رَكٍلِدٍ. ﭑ نَ يِرٍ كَنَشِيٍ رَقَلَمَ نّ، ﭑ نَ رَكٍلِمَ نّ،

¹⁷عَلَكٌ مِشِ نَشٍيٍ لُشِ عٍ شَ نْ مَرِفِ قٍندٍ، سِ فبّتّ نَشٍيٍ بِرِن قِندِ مَ ﭑ فبٍ رَ.

¹⁸مَرِفِ شَ مَسٍنيِ نَن نَ كِ، نَشَن يِ قٍ كٌلٌن كَبِ عَ قْلّ، نَشَن يِ قٍ بِرِن نَفِرِ مَ.›»

¹⁹«نَ نَ عَ رَ، عَ مُ لَنمَ عَ شَ قِندِ قٍ شْرْشْي رَ سِ فبّتّيٍ بّ نَشٍيٍ وَ مَ بِرَقٍ عَلَ قْشْ رَ.

²⁰كْنْ وٌن شَ بَتَاشّ سّبّ عٍ مَ، عٍ نَشَ سٍيٍ دٌن نَشٍيٍ بَشِ سّرّشّ رَ كُيٍيٍ بّ. عٍ مَن شَ بَ يّنّ مَ، عَ نُن عٍ نَشَ سُبٍ يُقَشِ دٌن، عٍ مَن نَشَ وُلِ مِن.

²¹بَرِ مَ كَبِ وٌن بٍنبَيٍ شَ وَشَتِ، مِشِيٍ نَ تَا بِرِن كُي، نَشٍيٍ عَننَبِ مُنسَ شَ سّرِيّ شَرَنمَ سَلِدٍيٍ كُي مَلَبُ لْشْي.»

²²عَوَ، شّيرَيٍ نُن كُنتِفِيٍ نُن دَنشَنِيَتْي حَمَ بِرِن نَشَ لَن عَ مَ عٍ شَ مِشِ ندٍيٍ شّي عَنتِيْكِ، نَشٍيٍ ثْلُ نُن بَرَنَبَسِ مَتِمَ. عٍ نَشَ يُدَ سِ نَشَن شِلِ بَرَ سَبَ، نُن سِلَسِ سُفَندِ، شّمّ بِنيٍيٍ نفَشَكٍرٍنيِيٍ يَ مَ.

²³عٍ نَشَ بَتَاشّ كٍرٍن سٌ عٍ يِ رَ نَشَن سّبّشِ، «شّيرَيٍ نُن كُنتِفِيٍ، نَشٍيٍ لَنشِ وٌ نفَشَكٍرٍنيِيٍ مَ، كَتَرَبِ وٌن نفَشَكٍرٍنيِيٍ مَ سِ فبّتّيٍ يَ مَ، نَشٍيٍ نَ عَنتِيْكِ، سِرِيَ، نُن سِلِسِ، مُشُ بَرَ وٌ شّيبُ.

²⁴مُشُ بَرَ عَ مّ عَ مِشِ ندٍيٍ نَشٍيٍ كٍلِشِ مُشُ يَ مَ، مُشُ مُ حُنفُي سَشِ نَشٍيٍ مَ، عَ نٍيٍ بَرَ وٌ رَكْنتْقِلِ عٍ شَ وْيّنيِ رَ. عٍ بَرَ وٌ بْحّ عِقُ.»

²⁵«نَ نَ عَ رَ، مُشُ بَرَ لَن عَ مَ مُشُ شَ شّيرَيٍ شّي وٌ مَ، سَ ثْلُ نُن بَرَنَبَسِ قَرِ، مُشُ شَنُنتٍنيِيٍ،