21كُيٍ تٌ عِبَ، ثْلُ نُن بَرَنَبَسِ نَشَ سِفَ دٍرِبٍ. عٍ تٌ فّ كَوَندِ تِدٍ تَا كُي، مِشِ فبٍفبٍ نَشَ قِندِ عِسَ قْشِرَبِرّيٍ رَ. نَ شَنبِ عٍ نَشَ فبِلٍن لِسِتِرٍ، عِكٌنِيٌن، نُن عَنتِيْكِ.
22عٍ نُ عِسَ قْشِرَبِرّيٍ رَلِمَنِيَ. عٍ مَن نُ عٍ رَ سِ عٍ شَ سَبَتِ دَنشَنِيَ كُي. عٍ نُ عَ قَلَ، «وٌن مُ سٌمَ عَلَ شَ مَنفّيَ نِينِ بُن مَ قٌ وٌن شَ تْورْ.»
23عٍ نَشَ كُنتِفِيٍ سُفَندِ دَنشَنِيَتْي حَمَ كٍرٍن كٍرٍن مَ بّ. عٍ تٌ فّ سَلِدٍ نُن سُندٍ، عٍ نَشَ عٍ تَشُ مَرِفِ رَ، عٍ نُ دَنشَنِيَشِ نَشَن مَ.
24عَوَ، عٍ تٌ ثِسِدِيَ عِفِرِ، عٍ نَشَ قَ ثَنقِلِيَ.
25عٍ نَشَ كَوَندِ تِ ثّرِفَ، عٍ نَشَ فٌرٌ عَتَلٍيَ.
26عٍ تٌ كٍلِ مّننِ، عٍ نَشَ بَكِ كُنكُي كُي سِفَقٍ رَ عَنتِيْكِ، عٍ نُ تَشُشِ عَلَ شَ هِننّ رَ دّننَشّ. عٍ نُ بَرَ فّ نَ وَلِ بِرِن نَبَدٍ.