Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - تَرُشُي - تَرُشُي 13

تَرُشُي 13:16-50

Help us?
Click on verse(s) to share them!
16ثْلُ تٌ كٍلِ، عَ نَشَ عٍ مَسَبَرِ، عَ قَ عَ قَلَ، «عِسِرَيِلَكَيٍ نُن وٌ تَن نَشٍيٍ فَاشُشِ عَلَ يَ رَ، وٌ وٌ تُلِ مَتِ.
17عِسِرَيِلَ حَمَ مَرِفِ عَلَ بَرَ وٌن بَبَيٍ سُفَندِ. عَ نَشَ عٍ رَوُيَ مِسِرَ بْشِ مَ. نَ شَنبِ عَ نَشَ عٍ رَ مِنِ نَا عَ سّنبّ رَ.
18عَ نَشَ عٍ رَبَلٌ حّ تٌنفٌ نَانِ حْندْن فبٍنفبٍرٍنيِ مَ.
19عَ تٌ سِ سٌلٌقٍرٍ هَلَكِ كَنَان بْشِ مَ، عَ نَشَ نَ بْشِيٍ قِ عِسِرَيِلَكَيٍ مَ.
20حّ كّمّ نَانِ حّ تٌنفٌ سُولِ بُن مَ، عَ نَشَ مَنفّيٍ تِ عٍ شُن مَ هَن عَننَبِ سَمُوٍلِ شَ تّمُي.
21عَوَ، عٍ تٌ وَ مَنفّ بٍلٍبٍلٍ شْن مَ، عَلَ نَشَ كِسُ شَ دِ، سْلُ، نَشَن قَتَن بُنيَمِن بْنسْي رَ، عَ نَشَ نَ تِ عٍ شُن مَ. عَ شَ مَنفّيَ نَشَ بُ حّ تٌنفٌ نَانِ.
22عَ تٌ سْلُ بَ مَنفّيَ رَ، عَ نَشَ دَوُدَ قِندِ مَنفّ رَ عٍ شُن. عَ يِ سٍيدٍيَ مَسٍن نَ نَن مَ، ‹ﭑ بَرَ دَوُدَ تٌ، يِسَيِ شَ دِ، نَشَن كّحَ رَقَن ﭑ مَ. عَ تَن نَن ﭑ سَفٌ بِرِن نَكَمَلِمَ.›»
23«عَلَ عِسِرَيِلَ رَكِسِمَ رَ مِنِشِ دَوُدَ بْنسْي نَن يَ مَ، نَشَن لَنشِ عِسَ مَ، عَلْ عَ لَايِدِ تٌنفٌشِ كِ نَشّ.
24بٍينُن عِسَ شَ قَ، يَيَ نُ بَرَ مِشِيٍ كَوَندِ عٍ شَ تُوبِ، عٍ شَ عٍ شُنشَ يٍ شْورَ.
25عَ شَ وَلِ رَحْن تّمُي، عَ نَشَ عَ قَلَ، ‹ﭑ مُ قِندِشِ مِشِ شَ رَ، وٌ نَشَن مَحْشُنشِ. نَ كَنيِ قَمَ ﭑ شَنبِ رَ. نَ بِنيّ مُ نَ ﭑ يِ رَ ﭑ شَ عَ شَ سَنكِرِ مَقُلُن.›»
26«ﭑ نفَشَكٍرٍنيِيٍ، عِبُرَهِمَ بْنسْي شَ دِيٍ نُن وٌ تَن نَشٍيٍ فَاشُمَ عَلَ يَ رَ، يِ كِسِ مَسٍنيِ رَ سَنبَشِ وٌن تَن نَن مَ.
27دَرِ سَلَمُكَيٍ نُن عٍ شُنمَتِيٍ مُ تِن عِسَ رَ. عٍ مُ قَهَامُي سْتْ نَمِحْنمّيٍ شَ مَسٍنيِ مَ، نَشَن شَرَنمَ مَلَبُ لْشْي بِرِن. كْنْ عٍ نَشَ نَ مَسٍنيِ يَتِ رَكَمَلِ عِسَ تْوحّفّقٍ رَ.
28هَلِ عٍ تٌ مُ سٍسٍ تٌ عَ لَنمَ عَ شَ قَشَ نَشَن مَ، عٍ نَشَ ثِلَتِ مَشَندِ عَ شَ عَ قَشَ.
29نَ كُي، عٍ نَشَ قٍ بِرِن نَكَمَلِ نَشٍيٍ سّبّشِ عَ شُن. عٍ مَن نَشَ عَ رَفٌرٌ وُرِ مَفَلَنبُشِ مَ، عٍ عَ قُرٍ سَ فَبُرِ كُي.
30كْنْ عَلَ نَشَ عَ رَكٍلِ قَشّ مَ.
31مِشِ فبٍفبٍ نَشٍيٍ عِسَ مَتِ كٍلِقٍ فَلِلٍ سِفَقٍ دَرِ سَلَمُ، نٍيٍ نَشَ عَ تٌ شِ وُيَشِ بُن مَ. يَكْسِ عٍ بَرَ قِندِ عَ شَ سٍيدٍيٍ رَ حَمَ تَفِ.»
32«عَوَ، مُشُ تَن قَن يِ شِبَارُ قَنيِ مَسٍنمَ نّ وٌ بّ، عَلَ لَايِدِ نَشَن تٌنفٌ وٌن بٍنبَيٍ بّ.
33عَلَ بَرَ عَ رَكَمَلِ وٌن تَن بّ، عٍ شَ دِيٍ. عَ بَرَ عِسَ رَكٍلِ قَشّ مَ عَلْ عَ سّبّشِ يَبُرَ سٌرَ قِرِن ندٍ كُي كِ نَشّ. عَ نَشّ، ‹ﭑ مَ دِ نَن عِ رَ. ﭑ بَرَ قِندِ عِ بَبَ رَ تٌ.›
34عَ بَرَ عَ رَكٍلِ قَشّ مَ، عَلَكٌ عَ نَشَ بْرْ. عَ نَ نَن مَسٍنشِ يِ كِ، ‹لَايِدِ سّنِيّنشِيٍ، نَشٍيٍ مُ كَنَمَ، ﭑ نَشٍيٍ تٌنفٌشِ دَوُدَ بّ، ﭑ نٍيٍ تٌنفٌمَ نّ وٌ قَن بّ.›
35نَ نَ عَ رَ، عَ مَن نَ مَسٍنيِ قَلَشِ يِرٍ فبّتّ. عَ نَشّ، ‹عِ مُ عِ شَنُنتٍنيِ لُمَ فَبُرِ كُي.›
36دَوُدَ تٌ فّ عَلَ سَفٌ رَبَدٍ عَ شَ وَشَتِ، عَ قَشَ نّ، عَ عَ بٍنبَيٍ لِ فَبُرِ كُي، عَ مَن بْرْ نَا.
37كْنْ عَلَ مِشِ نَشَن نَكٍلِشِ قَشّ مَ، نَ تَن مُ بْرْ.»
38«ﭑ نفَشَكٍرٍنيِيٍ، نَشَن كَوَندِشِ وٌ بّ، وٌ شَ عَ كٌلٌن يُنُبِ شَقَرِ مَ عَ تَن نَن سَابُي رَ.
39نَشَن يٌ دَنشَنِيَ، نَ كَنيِ بَرَ كِسِ يُنُبِيٍ مَ، عَننَبِ مُنسَ شَ سّرِيّ مُ نْ وٌ رَكِسِدٍ نَشٍيٍ مَ.
40نَ كُي، وٌ وٌ مّينِ نَشَن قَلَشِ نَمِحْنمّيٍ شَ كِتَابُييٍ كُي، عَ نَشَ قَ وٌ لِ. عٍ نَشّ،
41‹وٌ عَ مَتٌ، وٌ تَن مِشِ مَيٍلٍيٍ، وٌ دّ شَ عِشَرَ، وٌ بَرَ لْي، بَرِ مَ ﭑ قَمَ كّوَلِ رَبَدٍ وٌ شَ لْشْييٍ نَن مَ، وٌ مُ لَمَ نَشَن نَ هَلِ عٍ عَ يَبَ وٌ بّ.›»
42سْلُ نُن بَرَنَبَسِ تٌ مِنِ، مِشِيٍ نَشَ عٍ مَشَندِ عٍ مَن شَ يِ مَسٍنيِ تِ مَلَبُ لْشْي نَشَن مَن قَمَ كْرّ.
43عَوَ، حَمَ تٌ يٍنسٍن، يُوِقِ وُيَشِ نُن مِشِ نَشٍيٍ نُ سٌشِ يُوِقِ شَ دِينّ كُي، نٍيٍ نَشَ بِرَ ثْلُ نُن بَرَنَبَسِ قْشْ رَ. ثْلُ نُن بَرَنَبَسِ نَشَ عٍ رَ سِ عٍ شَ لُ عَلَ شَ هِننّ كُي.
44نَ مَلَبُ لْشْي شُنفبِلٍنيِ، تَاكَيٍ بِرِن نَشَ عٍ مَلَن عَلَ شَ مَسٍنيِ رَ مّدٍ.
45يُوِقِيٍ تٌ حَمَ تٌ، تْونّ نَشَ عٍ سُشُ. عٍ نَشَ تِ ثْلُ كَنكٍ، عٍ نُ عَ شَ وْيّنيِ مَتَندِ، عٍ نُ عَ كٌنبِ.
46ثْلُ نُن بَرَنَبَسِ نَشَ عَ قَلَ عٍ بّ حَمَ تَفِ، «عَ لَنمَ عَلَ شَ مَسٍنيِ شَ مَسٍن وٌ تَن نَن سِنفٍ بّ، كْنْ وٌ بَرَ تٌندِ عَ رَ. نَ كُي، وٌ يّتّ بَرَ عَ قَلَ عَ مُ دَشَ وٌ شَ كِسِ سْتْ. يَكْسِ مُشُ مُشُ يَ رَقِندِ مَ سِ فبّتّيٍ نَن مَ،
47عَلْ مَرِفِ مُشُ يَمَرِشِ كِ نَشّ. عَ نَشّ، ‹ﭑ بَرَ عِ تِ عِ شَ قِندِ نَءِيَلَنيِ رَ سِيٍ بّ، كِسِ شَنِنقٍ رَ هَن دُنِحَ دَنيِ.›»
48مِشِ نَشٍيٍ مُ قِندِشِ يُوِقِ رَ، نٍيٍ تٌ نَ مّ، عٍ نَشَ سّيوَ. عٍ نَشَ عٍ مَرِفِ شَ وْيّنيِ مَتْشْ. نَشٍيٍ بِرِن نُ سُفَندِشِ كِسِ قٍ رَ، نٍيٍ نَشَ دَنشَنِيَ.
49مَرِفِ شَ مَسٍنيِ نَشَ يٍنسٍن بْشِ بِرِن كُي.
50كْنْ يُوِقِيٍ نَشَ فِنّ هَفِفّيٍ، نَشٍيٍ نُ سٌشِ يُوِقِيٍ شَ دِينّ كُي، نُن نَ تَا كُنتِفِيٍ، عٍ نَشَ نٍيٍ بْحّيٍ رَتٍ. عٍ نَشَ تْورّ دْشْ ثْلُ نُن بَرَنَبَسِ مَ هَن عٍ نَشَ عٍ كٍرِ عٍ شَ بْشِ مَ.

Read تَرُشُي 13تَرُشُي 13
Compare تَرُشُي 13:16-50تَرُشُي 13:16-50