Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - تَرُشُي - تَرُشُي 13

تَرُشُي 13:1-40

Help us?
Click on verse(s) to share them!
1نَمِحْنمّيٍ نُن كَرَ مْشْيٍ نُ نَ عَنتِيْكِ دَنشَنِيَتْي حَمَ تَفِ؛ بَرَنَبَسِ، سِمٍيْن نَشَن شِلِ سَ نِفٍرِ، لُسُسِ سِرٍنِكَ، مَنَهّن، نُن سْلُ. مَنَهّن نُن مَنفّ هٍرٌدٍ نَن شُرُ يِرٍ كٍرٍن.
2عٍ تٌ نُ مَرِفِ بَتُقٍ، عٍ مَن نُ سُنقٍ، عَلَ شَشِلِ سّنِيّنشِ نَشَ عَ قَلَ عٍ بّ، «وٌ بَرَنَبَسِ نُن سْلُ تِ ﭑ بّ عٍ شَتِ مَ، وَلِ شَ قٍ مَ ﭑ عٍ شِلِشِ نَشَن مَ.»
3عَوَ، عٍ تٌ فّ سُندٍ، نُن عَلَ مَشَندِدٍ، عٍ نَشَ عٍ بّلّشّ سَ بَرَنَبَسِ نُن سْلُ مَ، عٍ شَ عٍ تَشُ عَلَ رَ. نَ شَنبِ، عٍ نَشَ عٍ بّحِن، عٍ سِفَ.
4عَلَ شَشِلِ سّنِيّنشِ تٌ بَرَنَبَسِ نُن سْلُ شّي، عٍ نَشَ فٌرٌ سٍلُسِيَ، عٍ قَ بَكِ كُنكُي كُي سِفَقٍ رَ سِثِرِ سُرِ مَ.
5عٍ تٌ سٌ سَلَمِن، عٍ نَشَ سٌ عَلَ شَ مَسٍنيِ كَوَندِقٍ يُوِقِيٍ شَ سَلِدٍ كُي. يَيَ نَن نُ عٍ مَلِمَ رَ.
6عٍ تٌ بَرَ سُرِ عِفِرِ هَن ثَقٌسِ، عٍ نَشَ دُورٍ ندٍ لِ نَا، يُوِقِ نَشَن نُ عَ يّتّ قِندِشِ نَمِحْنمّ وُلٍ قَلّ رَ، نَشَن نُ شِلِ بَرِ يٍسُ شَ دِ.
7عَ نُ نَ مَنفّ سّرِفُ ثْلُ سّيتِ مَ، نَشَن شَشِلِ نُ قَن. نَ تَن نَشَ بَرَنَبَسِ نُن سْلُ شِلِ، بَرِ مَ عَ نُ وَ مَ عَلَ شَ مَسٍنيِ رَ مّقٍ.
8كْنْ نَ دُورٍ عٍ نَشَن مَ عٍلِمَسِ، عَ شِلِ وَ مَ عَ مَسٍنقٍ عَ دُورٍ نَن عَ رَ، عَ نَشَ عٍ مَتَندِ. عَ نُ كَتَقٍ نّ عَلَكٌ عَ شَ مَنفّ شَ بَ دَنشَنِيَ كِرَ شْن مَ.
9عَوَ سْلُ، نَشَن مَن شِلِ ثْلُ، عَلَ شَشِلِ سّنِيّنشِ تٌ فٌرٌ عَ مَ، عَ نَشَ عَ يَ بَنبَن عَ رَ،
10عَ نَشَ عَ قَلَ عَ بّ، «كَلَبَنتٍ نُن يَنقَنتٍ نَن عِ رَ. عِبُلِسَ شَ دِ، تِنشِنتَرٍ، عِ مُ بَمَ مَرِفِ شَ كِرَ تِنشِنشِ دَلِنقٍ؟
11عَوَ يَكْسِ، مَرِفِ بَرَ عَ بّلّشّ سَ عِ مَ. عِ قَمَ نّ دْنشُدٍ. وَشَتِ ندٍ بُن مَ، عِ مُ سٌفٍ تٌمَ.» دِ مِ نَشَ دُ سُ عَ شُن نَ كٍرٍن نَ. عَ نَشَ سٌ مِلِمَلَقٍ نَ مَ، عَ نُ مِشِيٍ قٍن نَشٍيٍ عَ يِ رَ سُشُمَ.
12عَوَ، مَنفّ سّرِفُ ثْلُ تٌ نَ تٌ، عَ نَشَ دَنشَنِيَ مَرِفِ شَ سّرِيّ مَ.
13ثْلُ نُن عَ بٌورٍيٍ تٌ بَكِ كُنكُي كُي ثَقٌسِ، عٍ نَشَ سِفَ ثّرِفَ نَشَن نَ ثَنقِلِيَ بْشِ مَ. يَيَ نَشَ عَ بَ عٍ مَ، عَ نَشَ فبِلٍن دَرِ سَلَمُ.
14مّننِ عٍ نَشَ تِ كِرَ شْن. عٍ نَشَ سٌ عَنتِيْكِ نَشَن نَ ثِسِدِيَ بْشِ مَ. عٍ تٌ سٌ سَلِدٍ كُي مَلَبُ لْشْي، عٍ نَشَ عٍ مَفٌرٌ.
15تَوُرٍتَ مُنسَ نُن نَمِحْنمّيٍ شَ كِتَابُي شَرَنيِ تٌ بَ عَ رَ، سَلِدٍ شُنمَتِيٍ نَشَ شّيرَ تِ عٍ مَ، عٍ نُ عَ قَلَ، «وٌن نفَشَكٍرٍنيِيٍ، شَ مَرَ سِ ندٍ نَ وٌ يِ رَ حَمَ بّ، وٌ عَ قَلَ.»
16ثْلُ تٌ كٍلِ، عَ نَشَ عٍ مَسَبَرِ، عَ قَ عَ قَلَ، «عِسِرَيِلَكَيٍ نُن وٌ تَن نَشٍيٍ فَاشُشِ عَلَ يَ رَ، وٌ وٌ تُلِ مَتِ.
17عِسِرَيِلَ حَمَ مَرِفِ عَلَ بَرَ وٌن بَبَيٍ سُفَندِ. عَ نَشَ عٍ رَوُيَ مِسِرَ بْشِ مَ. نَ شَنبِ عَ نَشَ عٍ رَ مِنِ نَا عَ سّنبّ رَ.
18عَ نَشَ عٍ رَبَلٌ حّ تٌنفٌ نَانِ حْندْن فبٍنفبٍرٍنيِ مَ.
19عَ تٌ سِ سٌلٌقٍرٍ هَلَكِ كَنَان بْشِ مَ، عَ نَشَ نَ بْشِيٍ قِ عِسِرَيِلَكَيٍ مَ.
20حّ كّمّ نَانِ حّ تٌنفٌ سُولِ بُن مَ، عَ نَشَ مَنفّيٍ تِ عٍ شُن مَ هَن عَننَبِ سَمُوٍلِ شَ تّمُي.
21عَوَ، عٍ تٌ وَ مَنفّ بٍلٍبٍلٍ شْن مَ، عَلَ نَشَ كِسُ شَ دِ، سْلُ، نَشَن قَتَن بُنيَمِن بْنسْي رَ، عَ نَشَ نَ تِ عٍ شُن مَ. عَ شَ مَنفّيَ نَشَ بُ حّ تٌنفٌ نَانِ.
22عَ تٌ سْلُ بَ مَنفّيَ رَ، عَ نَشَ دَوُدَ قِندِ مَنفّ رَ عٍ شُن. عَ يِ سٍيدٍيَ مَسٍن نَ نَن مَ، ‹ﭑ بَرَ دَوُدَ تٌ، يِسَيِ شَ دِ، نَشَن كّحَ رَقَن ﭑ مَ. عَ تَن نَن ﭑ سَفٌ بِرِن نَكَمَلِمَ.›»
23«عَلَ عِسِرَيِلَ رَكِسِمَ رَ مِنِشِ دَوُدَ بْنسْي نَن يَ مَ، نَشَن لَنشِ عِسَ مَ، عَلْ عَ لَايِدِ تٌنفٌشِ كِ نَشّ.
24بٍينُن عِسَ شَ قَ، يَيَ نُ بَرَ مِشِيٍ كَوَندِ عٍ شَ تُوبِ، عٍ شَ عٍ شُنشَ يٍ شْورَ.
25عَ شَ وَلِ رَحْن تّمُي، عَ نَشَ عَ قَلَ، ‹ﭑ مُ قِندِشِ مِشِ شَ رَ، وٌ نَشَن مَحْشُنشِ. نَ كَنيِ قَمَ ﭑ شَنبِ رَ. نَ بِنيّ مُ نَ ﭑ يِ رَ ﭑ شَ عَ شَ سَنكِرِ مَقُلُن.›»
26«ﭑ نفَشَكٍرٍنيِيٍ، عِبُرَهِمَ بْنسْي شَ دِيٍ نُن وٌ تَن نَشٍيٍ فَاشُمَ عَلَ يَ رَ، يِ كِسِ مَسٍنيِ رَ سَنبَشِ وٌن تَن نَن مَ.
27دَرِ سَلَمُكَيٍ نُن عٍ شُنمَتِيٍ مُ تِن عِسَ رَ. عٍ مُ قَهَامُي سْتْ نَمِحْنمّيٍ شَ مَسٍنيِ مَ، نَشَن شَرَنمَ مَلَبُ لْشْي بِرِن. كْنْ عٍ نَشَ نَ مَسٍنيِ يَتِ رَكَمَلِ عِسَ تْوحّفّقٍ رَ.
28هَلِ عٍ تٌ مُ سٍسٍ تٌ عَ لَنمَ عَ شَ قَشَ نَشَن مَ، عٍ نَشَ ثِلَتِ مَشَندِ عَ شَ عَ قَشَ.
29نَ كُي، عٍ نَشَ قٍ بِرِن نَكَمَلِ نَشٍيٍ سّبّشِ عَ شُن. عٍ مَن نَشَ عَ رَفٌرٌ وُرِ مَفَلَنبُشِ مَ، عٍ عَ قُرٍ سَ فَبُرِ كُي.
30كْنْ عَلَ نَشَ عَ رَكٍلِ قَشّ مَ.
31مِشِ فبٍفبٍ نَشٍيٍ عِسَ مَتِ كٍلِقٍ فَلِلٍ سِفَقٍ دَرِ سَلَمُ، نٍيٍ نَشَ عَ تٌ شِ وُيَشِ بُن مَ. يَكْسِ عٍ بَرَ قِندِ عَ شَ سٍيدٍيٍ رَ حَمَ تَفِ.»
32«عَوَ، مُشُ تَن قَن يِ شِبَارُ قَنيِ مَسٍنمَ نّ وٌ بّ، عَلَ لَايِدِ نَشَن تٌنفٌ وٌن بٍنبَيٍ بّ.
33عَلَ بَرَ عَ رَكَمَلِ وٌن تَن بّ، عٍ شَ دِيٍ. عَ بَرَ عِسَ رَكٍلِ قَشّ مَ عَلْ عَ سّبّشِ يَبُرَ سٌرَ قِرِن ندٍ كُي كِ نَشّ. عَ نَشّ، ‹ﭑ مَ دِ نَن عِ رَ. ﭑ بَرَ قِندِ عِ بَبَ رَ تٌ.›
34عَ بَرَ عَ رَكٍلِ قَشّ مَ، عَلَكٌ عَ نَشَ بْرْ. عَ نَ نَن مَسٍنشِ يِ كِ، ‹لَايِدِ سّنِيّنشِيٍ، نَشٍيٍ مُ كَنَمَ، ﭑ نَشٍيٍ تٌنفٌشِ دَوُدَ بّ، ﭑ نٍيٍ تٌنفٌمَ نّ وٌ قَن بّ.›
35نَ نَ عَ رَ، عَ مَن نَ مَسٍنيِ قَلَشِ يِرٍ فبّتّ. عَ نَشّ، ‹عِ مُ عِ شَنُنتٍنيِ لُمَ فَبُرِ كُي.›
36دَوُدَ تٌ فّ عَلَ سَفٌ رَبَدٍ عَ شَ وَشَتِ، عَ قَشَ نّ، عَ عَ بٍنبَيٍ لِ فَبُرِ كُي، عَ مَن بْرْ نَا.
37كْنْ عَلَ مِشِ نَشَن نَكٍلِشِ قَشّ مَ، نَ تَن مُ بْرْ.»
38«ﭑ نفَشَكٍرٍنيِيٍ، نَشَن كَوَندِشِ وٌ بّ، وٌ شَ عَ كٌلٌن يُنُبِ شَقَرِ مَ عَ تَن نَن سَابُي رَ.
39نَشَن يٌ دَنشَنِيَ، نَ كَنيِ بَرَ كِسِ يُنُبِيٍ مَ، عَننَبِ مُنسَ شَ سّرِيّ مُ نْ وٌ رَكِسِدٍ نَشٍيٍ مَ.
40نَ كُي، وٌ وٌ مّينِ نَشَن قَلَشِ نَمِحْنمّيٍ شَ كِتَابُييٍ كُي، عَ نَشَ قَ وٌ لِ. عٍ نَشّ،

Read تَرُشُي 13تَرُشُي 13
Compare تَرُشُي 13:1-40تَرُشُي 13:1-40