تَرُشُي 12:2-17

²عَ نَشَ يَكِ، يَيَ تَارَ، قَشَ سَنتِدّفّمَ رَ.

³عَ تٌ عَ تٌ نَ نُ رَقَن يُوِقِيٍ مَ، عَ مَن نَشَ ثِيّرِ سُشُ تَامِ لّبِنِتَرٍ سَلِ.

⁴عَ تٌ عَ سُشُ، عَ نَشَ عَ سَ فٍيلِ كُي. عَ نَشَ سْورِ نَانِ نَانِ تٌنفٌ شُندّ نَانِ كُي، عَ نٍيٍ يَمَرِ، عٍ شَ عَ كَنتَ. هٍرٌدٍ نُ وَشِ ثِيّرِ شَ مَكِيتِ حَمَ يَ شْرِ سَيَمَلٍكّ دَنفِ سَلِ نَ بَ عَ رَ.

⁵ثِيّرِ نُ نَ فٍيلِ كُي، كْنْ دَنشَنِيَتْي حَمَ نُ نَ عَلَ مَشَندِقٍ عَ بّ.

⁶كْي رَ، بٍينُن هٍرٌدٍ شَ ثِيّرِ مَكِيتِ، عَ نُ شِقٍ سْورِ قِرِن تَفِ، يْلْنشْنيِ بَلَنشِ عَ مَ. سْورِ فبّتّيٍ قَن نُ فٍيلِ نَادّ كَنتَقٍ.

⁷مَرِفِ شَ مَلٍكّ ندٍ نَشَ مِنِ عَ مَ تّرّننَ رَ. يَنبّ نَشَ فٍيلِ كُي عِيَلَن. مَلٍكّ نَشَ ثِيّرِ سّيتِ مَبْنبْ، عَ شَ شُنُ، عَ قَ عَ قَلَ عَ بّ، «كٍلِ، عِ شُلُن!» يْلْنشْنيِيٍ نَشَ يٌلٌن عَ بّلّشّ رَ كٍرٍن نَ.

⁸مَلٍكّ نَشَ عَ قَلَ عَ بّ، «عِ مَشِرِ، عِ شَ سَنكِرِيٍ سٌ.» عَ تٌ نَ رَبَ، مَلٍكّ مَن نَشَ عَ قَلَ عَ بّ، «دٌنمَ قٍلٍن عِ مَ، بِرَ ﭑ قْشْ رَ.»

⁹ثِيّرِ نَشَ مِنِ، عَ بِرَ مَلٍكّ قْشْ رَ، كْنْ عَ مُ عَ كٌلٌن شَ نَ قٍ قِندِشِ نْندِ نَن نَ. عَ نُ بَرَ عَ مَحْشُن، تّمُندٍ عَ قِندِشِ لَامَتُنيِ نَن نَ.

¹⁰عٍ تٌ بَرَ دَنفِ سْورِيٍ سِنفٍ عٍ نُن عَ قِرِن ندٍيٍ رَ، عٍ نَشَ وُرٍ نَادّ لِ نَشَن دّ رَبِشِ تَا مَ، نَ نَشَ رَبِ عَ يّتّ رَ. عٍ نَشَ مِنِ. عٍ مُ نُ عَ عِكُيَشِ كِرَ شْن مَ، مَلٍكّ نَشَ كٍلِ ثِيّرِ شُن.

¹¹ثِيّرِ تٌ شَشِلِ سْتْ نَ قٍ مَ، عَ نَشَ عَ قَلَ، «يَكْسِ، ﭑ بَرَ عَ كٌلٌن مَرِفِ نَن عَ شَ مَلٍكّ شّيشِ، عَ شَ ﭑ بَ هٍرٌدٍ يِ رَ. عَ بَرَ ﭑ نَتَنفَ يُوِقِيٍ بّلّشّ.»

¹²عَ تٌ كٌلٌن سْتْ يِ قٍ مَ، عَ نَشَ سِفَ يَيَ نفَ مَرِيَمَ شْنيِ، يَيَ نَشَن مَن شِلِ مَرَكِ. مِشِ وُيَشِ نُ مَلَنشِ نَا، عٍ نَ عَلَ مَشَندِقٍ.

¹³عَ تٌ نَادّ كْنكْن، كٌنيِ فِنّ ندٍ، نَشَن شِلِ رٌدَ، عَ نَشَ قَ نَادّ رَبِدٍ.

¹⁴عَ تٌ ثِيّرِ شُي مّ، عَ نَشَ حّلّشِن هَن عَ نَشَ نّيمُ نَادّ رَبِقٍ مَ. عَ نَشَ عَ فِ عَ شَ سَ عَ قَلَ بٌورٍيٍ بّ ثِيّرِ نَ نَادّ رَ.

¹⁵عٍ نَشَ عَ قَلَ عَ بّ، «عِ بَرَ دَشُ.» كْنْ عَ تٌ عٍ كَرَشَن، عٍ نَشَ عَ قَلَ، «عَ شَ مَلٍكّ نَ عَ رَ.»

¹⁶نَ تّمُي بِرِن ثِيّرِ نُ نَ نَادّ كْنكْنقٍ. عٍ تٌ نَادّ رَبِ، عٍ نَشَ كَابَ عَ تٌقٍ مَ.

¹⁷ثِيّرِ تٌ عٍ مَسَبَرِ عَ بّلّشّ رَ، عَ نَشَ عَ يَبَ عٍ بّ مَرِفِ عَ رَ مِنِشِ فٍيلِ كُي كِ نَشّ. عَ نَشَ عَ قَلَ، «وٌ يِ قٍ رَفبِلٍن يَكِ نُن نفَشَكٍرٍنيِيٍ مَ.» نَ شَنبِ، عَ نَشَ مِنِ، عَ شَ سِفَ يِرٍ فبّتّ.