Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - تَرُشُي - تَرُشُي 11

تَرُشُي 11:2-21

Help us?
Click on verse(s) to share them!
2ثِيّرِ تٌ تٍ دَرِ سَلَمُ، يُوِقِ دَنشَنِيَتْييٍ نَشَ عَ كَلَمُ، «عِ بَرَ سٌ سُننَتَرٍيٍ شْنيِ،
3وٌ بِرِن بَرَ وٌ دّفٍ!»
4عَوَ ثِيّرِ نَشَ قٍ بِرِن تَفِ رَبَ عٍ بّ عَ دَنفِشِ كِ نَشّ.
5عَ نَشَ عَ مَسٍن، «ﭑ نُ نَ يَقَ تَا نَن كُي. ﭑ نَ عَلَ مَشَندِقٍ تّمُي نَشّ، ﭑ نَشَ لَامَتُنيِ تٌ. سٍ ندٍ نَشَن مَنِيَشِ دُفِ شُنفبٍ رَ، عَ شِرِشِ عَ تُنشُن نَانِيٍ مَ، نَ نَشَ فٌرٌ كٍلِ كٌورٍ مَ هَن ﭑ يِرٍ.
6ﭑ نَشَ عَ عِفبّ عَ قَنيِ رَ. ﭑ نَشَ شُرُ سٍيٍ، وُلَ سُبٍيٍ، بُبُسٍيٍ، نُن شْنِ بِرِن تٌ عَ كُي.
7شُي ندٍ نَشَ عَ قَلَ، ‹ثِيّرِ، كٍلِ، عِ سُبٍ ندٍ قَشَ، عِ شَ عَ دٌن.›
8كْنْ ﭑ نَشَ عَ قَلَ، ‹عَدٍ، مَرِفِ. ﭑ مُ نُ سٍ رَهَرَ مُشِ دٌن سِندٍن، شَ نَ مُ عَ رَ سٍ سّنِيّنتَرٍ.›
9شُي نَشَ وْيّن ﭑ بّ عَ قِرِن ندٍ، ‹عَلَ بَرَ نَشَن نَسّنِيّن عِ نَشَ عَ قَلَ عَ سّنِيّنتَرٍ.›
10نَ نَشَ رَبَ سَنيَ سَشَن. نَ شَنبِ، عَ بِرِن مَن نَشَ تٍ كٌورٍ مَ.»
11«نَ تّمُي مِشِ سَشَن، نَشٍيٍ نُ شّيشِ ﭑ يِرٍ كٍلِقٍ سٍسَرٍ، عٍ نَشَ تِ مُشُ شَ بَنشِ نَادّ رَ.
12عَلَ شَشِلِ نَشَ عَ مَسٍن ﭑ بّ عَ مُشُ بِرِن شَ سِفَ، عَ هَلِ ﭑ مُ سِيكّ. يِ شّمّ سٍننِ نَشٍيٍ يِ كِ، عٍ قَن نَشَ ﭑ مَتِ نَا. مُشُ تٌ سٌ كٌرٌنٍلِيٌ شْنيِ،
13عَ نَشَ عَ يَبَ مُشُ بّ عَ مَلٍكّ تٌشِ عَ شَ بَنشِ كُي كِ نَشّ. مَلٍكّ نَشَ عَ مَسٍن عَ بّ، ‹مِشِ شّي يَقَ، عَ شَ قَ سِمْن نَ، عٍ نَشَن شِلِ قَلَمَ ثِيّرِ.
14عَ قَمَ مَسٍنيِ تِدٍ عِ بّ، عِ تَن نُن عِ شَ مِشِ بِرِن كِسِمَ نَشَن سَابُي رَ.›»
15«ﭑ تٌ سٌ وْيّنقٍ، عَلَ شَشِلِ سّنِيّنشِ نَشَ فٌرٌ عٍ مَ عَلْ عَ فٌرٌ وٌن مَ كِ نَشّ عَ قْلّ.
16ﭑ قَ رَتُ مَرِفِ شَ مَسٍنيِ مَ، ‹يَيَ بَرَ مِشِ شُنشَ يٍ شْورَ، كْنْ عَلَ شَشِلِ سّنِيّنشِ قَمَ فٌرٌدٍ وٌ مَ.›
17عَلَ تٌ بَرَ عٍ كِ عَلْ عَ وٌن كِشِ كِ نَشّ، وٌن تَن نَشٍيٍ دَنشَنِيَشِ عِسَ عَلَ شَ مِشِ سُفَندِشِ مَ، عَ نُ لَن ﭑ شَ عَلَ مَتَندِ؟»
18عٍ تٌ نَ مّ، عٍ نَشَ دُندُ، عٍ نَشَ عَلَ مَتْشْ، «عَلَ بَرَ تُوبِ رَفِرِ سِ فبّتّيٍ قَن بّ، عَلَكٌ عٍ قَن شَ كِسِ.»
19عِسَ قْشِرَبِرّ نَشٍيٍ يٍنسٍن عٍتِيّن قَشَ شَنبِ حَشَنكَتّ سَابُي رَ، عٍ نَشَ سِفَ هَن قٍنِسِيَ، سِثِرِ، نُن عَنتِيْكِ. عٍ نُ عَلَ شَ مَسٍنيِ كَوَندِ مَ يُوِقِيٍ نَن بّ.
20كْنْ سِثِرِكَيٍ نُن سِرٍنِكَيٍ نَشٍيٍ نُ نَ عٍ يَ مَ، عٍ تٌ سِفَ عَنتِيْكِ، عٍ نَشَ مَرِفِ عِسَ شَ شِبَارُ قَنيِ مَسٍن فِرّكِكَيٍ قَن بّ.
21مَرِفِ شْنيّ نُ نَ عٍ مَ. مِشِ فبٍفبٍ نَشَ دَنشَنِيَ، عٍ نَشَ تُوبِ مَرِفِ مَ.

Read تَرُشُي 11تَرُشُي 11
Compare تَرُشُي 11:2-21تَرُشُي 11:2-21