تَالِيٍ 8:1-20

¹لْننِ مُ مِشِ شِلِمَ شّ؟ شَشِلِ قَنيِ مُ عَ يّتّ مَسٍنمَ شّ؟

²عَ شَ مَسٍنيِ تِمَ يِرٍ عِتٍشِ قَرِ، عَ وْيّنمَ كِرَ دّ رَ نُن كِرَ رَلَندٍيٍ.

³عَ عَ شُي عِتٍمَ تَا سٌدٍ دّ رَ مِشِ دَنفِمَ دّننَشّ. عَ نَشّ،

⁴«عَدَ مَدِيٍ، ﭑ نَ وٌ تَن نَن مَشِلِقٍ، مَسٍنيِ نَ ﭑ يِ رَ عِبُنَدَ مَ بِرِن بّ.

⁵شَشِلِتَرٍ شَ شَشِلِ سْتْ، لْننِتَرٍ شَ لْننِ قٍن.

⁶وٌ وٌ تُلِ مَتِ ﭑ مَ مَسٍنيِ هَفِفّ رَ، مَسٍنيِ تِنشِنشِ نَشَن مِنِمَ ﭑ دّ عِ.

⁷ﭑ نَ نْندِ نَن قَلَقٍ وٌ بّ يِ كِ. تِنشِنتَرٍيَ مُ رَقَن ﭑ مَ قٍقٍ مَ.

⁸ﭑ مَ وْيّنيِ بِرِن تِنشِن، وُلٍ نُن سّنِيّنتَرٍحَ يٌ مُ نَ عٍ يَ مَ.

⁹نٍيٍ قِيشّ شَشِلِمَ بّ، عٍ تِنشِن لْننِلَيٍ بّ.

¹⁰وٌ شَ ﭑ مَ لْننِ قٍن دَنفِ فبٍتِ رَ، وٌ شَ عَ كٌلٌن شَشِلِ قَنيِ تِدٍ فبٌ شّيمَ قَنيِ بّ،

¹¹قَهَامُي تِدٍ دَنفِ فّمّ تٌقَنيِ رَ. سٍسٍ مُ نَ نَشَن تِدٍ دَنفِمَ نٍيٍ رَ.»

¹²«ﭑ تَن لْننِ، ﭑ سٌمَ قٍ كُي، ﭑ عَ تَفِ رَبَ.

¹³شَ عَلَتَلَ شَ يَرَفَاشُي نَ عِ بّ، عِ قٍ حَاشِ نَن شْنمَ. يّتّ عِفبٌحَ، قٍ حَاشِيٍ، نُن وْيّن كٌبِيٍ، ﭑ نٍيٍ نَن شْنمَ.

¹⁴ﭑ فبٍ نَن نَ مَرَ سِ نُن نْندِ رَ، شَشِلِ قَنيِ نُن سّنبّ كَنيِ نَن ﭑ نَ.

¹⁵ﭑ تَن نَن مَنفّيٍ رَحّرّ مَ، مَنفّ نَشٍيٍ يَامَرِ تِمَ تِنشِنيِ رَ.

¹⁶ﭑ تَن نَن بْشِ يَرٍرَتِيٍ رَحّرّ مَ، ﭑ كُنتِفِيٍ تِمَ عَدَ مَدِيٍ يَ مَ.

¹⁷ﭑ مِشِ نَن شَنُمَ، نَشَن ﭑ شَنُ. نَشٍيٍ ﭑ قٍنمَ، نٍيٍ ﭑ تٌمَ نّ.

¹⁸بَننَيَ نُن بِنيّ نَ ﭑ تَن نَن يِ رَ، هَرِفٍ نَشَن مُ كَنَمَ.

¹⁹ﭑ نَشَن قِمَ مِشِ مَ عَ قَن شّيمَ قَنيِ بّ، عَ شَ فٍينِ دَنفِ فبٍتِ رَ.

²⁰ﭑ نَن ﭑ حّرّ مَ نْندِ كِرَ نَن شْن مَ، تِنشِنيِ نَ دّننَشّ،