تَالِيٍ 5:3-20

³لَنفٌي شَ وْيّنيِيٍ حْشُن عَلْ كُمِ، عَ مَسَلَشُن عَلْ سُلٌحِ،

⁴كْنْ عَ رَحْنيِ شْنْ عَلْ مٍلِ، عَ شّحّن عَلْ سَنتِدّفّمَ دّ قِرِنيِ.

⁵عَ سَنيِيٍ عَ شُن تِمَ فبَلٌي رَ، عَ شَ كِرَ مِشِ شَنِنمَ عَلِفِيَمَ نّ.

⁶عَ مُ لُمَ سِمَيَ كِرَ شْن مَ. عَ لْيشِ، كْنْ عَ مُ عَ كٌلٌن.

⁷يَكْسِ، ﭑ مَ دِ، عِ عِ تُلِ مَتِ ﭑ نَ، عِ نَشَ عِ مَكُيَ ﭑ مَ مَسٍنيِ رَ.

⁸عِ مَكُيَ لَنفٌي شَ كِرَ رَ، عِ نَشَ عِ مَكْرّ عَ شَ بَنشِ نَادّ رَ،

⁹عَلَكٌ بِنيّ نَشَ بَ عِ مَ، شّمّ يَ عِشَرَشِ نَشَ قَ عِ شَ دُنِحّءِفِرِ كَنَ.

¹⁰شَ نَ مُ عَ رَ مِشِ فبّتّيٍ نَن لُفَمَ عِ هَرِفٍ رَ، عِ شَ وَلِ تْنّ لُ بٌورٍيٍ بّ،

¹¹عِ عِ شَ سِمَيَ رَحْن تْورّ كُي، عِ قَتٍ بِرِن بَ عِ مَ عَ حَاشِ رَ.

¹²عِ عَ قَلَمَ نّ كْرّ، «ﭑ نَ مَرَ سِ شْن مُنقٍ رَ؟ ﭑ بْحّ تٌندِ نَ سّرِيّ رَ مُنقٍ رَ؟

¹³مُنقٍ رَ ﭑ مُ ﭑ تُلِ مَتِ ﭑ كَرَ مْشْييٍ رَ، ﭑ مُ ﭑ تُلِ مَتِ ﭑ نَسِمَيٍ رَ؟

¹⁴ﭑ قَ نَ تْورّ بِرِن دْنشْي نَن كُي يِ كِ حَمَ يَ شْرِ.»

¹⁵يٍ مِن، نَشَن مِنِمَ عِ يّتّ شَ كْلْنيِ رَ.

¹⁶عِ نَشَ تِن عِ شَ كْلْنيِ يٍ شَ فٌرٌ مِشِيٍ بُن مَ، عِ نَشَ تِن عِ شَ يٍ شَ مَكَنَ تَا كُي.

¹⁷نَ يٍ شَ قِندِ عِ كٍرٍن نَن فبٍ رَ، عِ تَن نُن شْحّيٍ نَشَ نَ عِتَشُن.

¹⁸بَرَكّ شَ لُ عِ شَ كْلْنيِ مَ، عِ شَ سّيوَ عِ شَ فِنّ رَ عِ نَشَن قُتِ عِ قٌنِكٍ رَ.

¹⁹عِ شَ فِنّ تٌقَن عَلْ بٌلٍ، عَ قَن عَلْ شٍلِ. عَ شَ مَرَقَنيِ شَ لُ عِ بْحّ كُي، عِ شَ عَ مَشَنُ تّمُي بِرِن.

²⁰ﭑ مَ دِ، عِ بِرَ مَ مِشِ فبّتّ شَ فِنّ قْشْ رَ مُنقٍ رَ؟ مُنقٍ رَ عِ فِنّ شِحّ سُنبُمَ عِ فبٍ مُ نَشَن نَ؟