Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - تَالِيٍ - تَالِيٍ 4

تَالِيٍ 4:2-15

Help us?
Click on verse(s) to share them!
2بَرِ مَ ﭑ نَ لْننِ قَنيِ نَن قِقٍ وٌ مَ يِ كِ. وٌ نَشَ تٌندِ ﭑ مَ مَسٍنيِ رَ.
3دِ قَنيِ نَن نُ ﭑ نَ ﭑ بَبَ بّ. دِ كٍرٍنيِ نَن نُ ﭑ نَ ﭑ نفَ بّ.
4ﭑ بَبَ نُ ﭑ نَسِمَ يِ وْيّنيِ نَن نَ، عَ نَشّ، «عِ شَ ﭑ مَ مَسٍنيِ رَفَتَ عِ بْحّ كُي، عِ شَ ﭑ مَ سّرِيّ سُشُ عَلَكٌ عِ شَ سِمَيَ سْتْ.
5عِ شَ لْننِ قٍن، شَشِلِ قَنيِ شَ لُ عِ بّ. عِ نَشَ نّيمُ ﭑ مَ مَسٍنيِ مَ، عِ نَشَ نّيمُ ﭑ مَ سّرِيّ مَ.
6عِ نَشَ عٍ رَبّحِن، عٍ عِ مَكَنتَمَ نّ. ﭑ مَ سّرِيّ شَ رَقَن عِ مَ، عَ عِ رَتَنفَمَ نّ.»
7لْننِ قْلّ نَن يِ كِ؛ عِ شَ لْننِ قٍن، عِ شَ قٍ بِرِن نَبَ عَلَكٌ عِ شَ شَشِلِ سْتْ.
8شَ عِ شَشِلِمَيَ بِنيَ، عَ عِ عِتٍمَ نّ. شَ عِ عَ سُشُ، عَ عِ شُننَكٍلِمَ نّ.
9عَ قِندِ مَ شُنمَسٍ تٌقَنيِ نَن نَ عِ شُنيِ مَ، عَ قِندِ دِيَمَن شَ يَنبّ رَ عِ بّ.
10ﭑ مَ دِ، شَ عِ عِ تُلِ مَتِ ﭑ مَ مَسٍنيِ رَ، عِ شَ سِمَيَ شْن كُيَمَ نّ.
11ﭑ بَرَ شَشِلِمَيَ كِرَ مَسٍن عِ بّ، ﭑ بَرَ عِ تِ كِرَ تِنشِنشِ شْن مَ.
12شَ عِ عِ حّرّ مَ نَ كِرَ نَن مَ، عِ مُ تْورْ مَ. شَ عِ عِ فِمَ نَ كِرَ نَن شْن مَ، عِ مُ دِنكٌنمَ.
13لْننِ سُشُ، عِ نَشَ عَ رَبٌلٌ، عِ نَشَ عَ رَبّحِن، بَرِ مَ عَ قِندِ مَ سِمَيَ نَن نَ عِ بّ.
14عِ نَشَ بِرَ مِشِ حَاشِ قْشْ رَ، عِ نَشَ مِشِ كٌبِ شَ كِرَ سُشُ.
15عِ نَشَ حّرّ نَ شْن، عِ نَشَ عِ مَكْرّ نَ رَ. عِ كٌبٍ سٌ نَ رَ، عِ دَنفِ.

Read تَالِيٍ 4تَالِيٍ 4
Compare تَالِيٍ 4:2-15تَالِيٍ 4:2-15