تَالِيٍ 31:3-30

³عِ نَشَ عِ سّنبّ قِ فِنّ حَاشِيٍ مَ، نَشٍيٍ قَتَ مَنفّيٍ رَلْيدٍ. عِ نَشَ بِرَ نَ فِنّ مْولِ قْشْ رَ.

⁴مَنفّ لٍمُوٍلِ، عَ مُ لَنمَ مَنفّيٍ شَ وّنِ مِن. بٍيرٍ شْلِ مُ لَنمَ عَ شَ مَنفّ سُشُ،

⁵شَ نَ مُ عَ رَ عٍ نّيمُمَ نّ عٍ يّتّ شَ سّرِيّ مَ، عٍ قَ تْورْ مِشِ يَنقَ.

⁶نَ مِنسٍ مْولِ شَ سٌ مِشِيٍ نَن يِ، نَشٍيٍ نَ سَيَ كِرَ شْن مَ، عَلَكٌ عٍ شَ نّيمُ عٍ شَ قٍ شْرْشْي بِرِن مَ.

⁷نَشَن وّنِ مِنشِ عَ نّيمُمَ نّ عَ شَ سٍتَرٍحَ مَ، عَ مُ رَتُمَ عَ شَ تْورّ مَ سْنْن.

⁸عِ شَ دّتَرٍ شُنمَقَلَ، عِ شَ مِسِكِينّ مَلِ.

⁹عِ شُي رَ مِنِ، كِيتِ سَ نْندِ رَ. عِ شَ تْورْ مِشِ نُن سٍتَرٍ شُنمَقَلَ.

¹⁰ندٍ نْمَ فِنّ قَنيِ سْتْدٍ؟ عَ تِدٍ فبٌ دِيَمَن بّ.

¹¹عَ شَ مْرِ لَشِ عَ رَ، عَ قِندِشِ هَرِفٍ قَنيِ نَن نَ عَ بّ تّمُي بِرِن.

¹²عَ قٍ قَنيِ رَبَمَ عَ شَ مْرِ بّ، عَ مُ قٍ حَاشِ يٌ رَبَمَ عَ رَ عَ شَ دُنِحّءِفِرِ كُي.

¹³عَ يّشّي شَبٍ نُن فّسّ قُتٍ قٍنمَ، عَ نٍيٍ رَقَلَمَ سٌسٍيٍ رَ. نَ وَلِ رَقَن عَ مَ.

¹⁴عَ لُمَ عَلْ يُلّ شَ كُنكُي، عَ سَ بَلٌي قٍنمَ يِرٍ مَكُيٍ عَ قَ عَ رَ.

¹⁵عَ كُرُنمَ نّ عَلَكٌ عَ شَ كُرِ سٌ عَ شَ دٍنبَيَ بّ، عَ مَن وَلِ سٌ عَ شَ وَلِكّ فِنّيٍ يِ رَ.

¹⁶عَ بْشِ مَتٌمَ نّ، عَ قَ نَ سَرَ. عَ فٍينِ نَشَن سْتْمَ عَ نَ سَرَ مَ سَنسِ نَن نَ، عَ عَ سِ.

¹⁷عَ تُننَبّشِ، عَ وَلِمَ سّنبّ رَ.

¹⁸عَ عَ كٌلٌن عَ شَ وَلِ سْونّيَمَ نّ. عَ لَنثُي رَدّشّمَ نّ، عَ وَلِ كْي قَن نَ.

¹⁹عَ يّشّي شَبٍ قِندِ مَ نّ فّسّ رَ، عَ فّسّ قِندِ مَ سٌسٍ رَ.

²⁰عَ سٍتَرٍ كِمَ، عَ مِسِكِينّ مَلِمَ.

²¹عَ مُ فَاشُمَ حّمّ يَ رَ، بَرِ مَ عَ شِنبٍلِ دٌنمَ قَنيِيٍ يَءِلَنشِ عَ شَ دٍنبَيَ بّ.

²²عَ سَدٍ دُفِ يَءِلَنمَ، عَ دُفِ تٌقَنيِ دّفّمَ عَ يّتّ بّ.

²³تَا كُنتِفِ نَن عَ شَ مْرِ رَ، عَ دْشْشِ قٌرِيٍ يَ مَ.

²⁴عَ سٌسٍيٍ دّفّمَ، عَ عٍ مَتِ. عَ بّلّتِيٍ قَن يَءِلَنمَ، يُلّيٍ نٍيٍ وَقُمَ عَ مَ.

²⁵عَ سّنبّ فبٌ، مِشِيٍ عَ بِنيَمَ. عَ مُ فَاشُمَ قٍقٍ مَ.

²⁶عَ لْننِ مَسٍنمَ مِشِيٍ بّ، عَ مَن عٍ شَرَن عَ قَنيِ رَ.

²⁷عَ عَ حّنفِ سَمَ عَ شَ دٍنبَيَ شْن مَ، عَ مُ وَلِتَرٍحَ كٌلٌن.

²⁸عَ شَ دِيٍ عَ مَتْشْمَ، عَ شَ مْرِ عَ تَنتُمَ يِ وْيّنيِ رَ؛

²⁹«فِنّ قَنيِيٍ نَ نَ دٍ، كْنْ عِ مَنِيّ مُ نَ عٍ يَ مَ.»

³⁰قَتٍ شَ تٌقَنيِ مِشِ مَدَشُمَ نّ، عَ مُ بُمَ. تَنتُي نَ فِنّ نَن بّ نَشَن فَاشُمَ عَلَتَلَ يَ رَ.