تَالِيٍ 30:6-18

⁶عِ نَشَ سٍ سَ نَ مَسٍنيِ شُن مَ، عَلَكٌ عَلَ نَشَ عِ سُشُ، عَ قَ عِ شَ وُلٍ تٌ.

⁷ﭑ وَ مَ قٍ قِرِن مَشْرِنقٍ عِ مَ بٍينُن ﭑ شَ قَشَ. عِ نَشَ تٌندِ.

⁸مَدَشُحَ نُن وُلٍ مَكُيَ ﭑ نَ. عِ نَشَ ﭑ قِندِ سٍتَرٍ رَ، عِ نَشَ ﭑ قِندِ بَننَ رَ. بَلٌي فبَنسَن قِ ﭑ مَ، نَشَن ﭑ وَ سَمَ.

⁹شَ ﭑ سَ سٍ فبٍفبٍ سْتْ، ﭑ فَاشُمَ نّ ﭑ نَشَ نّيمُ عِ مَ، ﭑ قَ عَ قَلَ، «ندٍ نَ عَلَتَلَ رَ؟» شَ ﭑ سَ لُ سٍتَرٍحَ قَن كُي، ﭑ فَاشُمَ نّ ﭑ نَشَ مُحّ تِ، ﭑ قَ عِ تَن ﭑ مَرِفِ عَلَ شِلِ كَنَ.

¹⁰عِ نَشَ كٌنيِ شِلِ كَنَ عَ كَنيِ بّ، عَلَكٌ عَ نَشَ عِ دَنكَ، نَ هَاكّ لُ عِ مَ.

¹¹مِشِ ندٍيٍ عٍ بَبَ دَنكَمَ، عٍ عٍ نفَ قِنسِرِوَلِ.

¹²مِشِ ندٍيٍ عٍ يّتّ قِندِ مَ سّنِيّنتْييٍ رَ، كْنْ عٍ مُ نْمَ سّنِيّنتَرٍحَ بَدٍ عٍ مَ.

¹³مِشِ ندٍيٍ عٍ يّتّ عِتٍمَ، عٍ عَ مَحْشُن عٍ دَنفِ مِشِ بِرِن نَ.

¹⁴مِشِ ندٍيٍ نَ نَشٍيٍ لُشِ عَلْ سُبٍ شَاحّيٍ نَشٍيٍ وَ مَ سٍتَرٍيٍ قَشَقٍ، عٍ شَ عٍ بَ دُنِحَ.

¹⁵دِ قِرِن نَ نِسِ بّ نَشٍيٍ عَ قَلَمَ، «ﭑ كِ، ﭑ كِ.» سٍ سَشَن نَ نَ، شَ نَ مُ عَ رَ، سٍ نَانِ، نَشٍيٍ مُ وَ سَمَ، نَشٍيٍ مُ عَ قَلَمَ، «نَ لَن.»

¹⁶عٍ تَن نَن يَ؛ عَلِفِيَمَ، فِنّ دِبَرِتَرٍ، فبٍنفبٍرٍنيِ، نُن تّ. نٍيٍ سٍسٍ مُ عَ قَلَمَ، «نَ لَن.»

¹⁷مِشِ نَشَن يٌمَ عَ بَبَ مَ، نَشَن مُ عَ نفَ شُي رَبَتُمَ، شَاشَيٍ كٍلِمَ نّ فُلُنبَ يِرٍ عٍ عَ يَيٍ سَكُن، سّفّ يْرّيٍ قَ عَ دٌندٍ.

¹⁸سٍ سَشَن نَ نَ، شَ نَ مُ عَ رَ، سٍ نَانِ، ﭑ مُ نَشٍيٍ قَهَامُمَ عٍ شَ تِلِنيِ شَ قٍ رَ.