تَالِيٍ 30:14-27

¹⁴مِشِ ندٍيٍ نَ نَشٍيٍ لُشِ عَلْ سُبٍ شَاحّيٍ نَشٍيٍ وَ مَ سٍتَرٍيٍ قَشَقٍ، عٍ شَ عٍ بَ دُنِحَ.

¹⁵دِ قِرِن نَ نِسِ بّ نَشٍيٍ عَ قَلَمَ، «ﭑ كِ، ﭑ كِ.» سٍ سَشَن نَ نَ، شَ نَ مُ عَ رَ، سٍ نَانِ، نَشٍيٍ مُ وَ سَمَ، نَشٍيٍ مُ عَ قَلَمَ، «نَ لَن.»

¹⁶عٍ تَن نَن يَ؛ عَلِفِيَمَ، فِنّ دِبَرِتَرٍ، فبٍنفبٍرٍنيِ، نُن تّ. نٍيٍ سٍسٍ مُ عَ قَلَمَ، «نَ لَن.»

¹⁷مِشِ نَشَن يٌمَ عَ بَبَ مَ، نَشَن مُ عَ نفَ شُي رَبَتُمَ، شَاشَيٍ كٍلِمَ نّ فُلُنبَ يِرٍ عٍ عَ يَيٍ سَكُن، سّفّ يْرّيٍ قَ عَ دٌندٍ.

¹⁸سٍ سَشَن نَ نَ، شَ نَ مُ عَ رَ، سٍ نَانِ، ﭑ مُ نَشٍيٍ قَهَامُمَ عٍ شَ تِلِنيِ شَ قٍ رَ.

¹⁹عٍ تَن نَن يَ؛ سّفّ شَ كِرَ كٌورٍ مَ، بْشِمَسٍ شَ كِرَ قَنيٍ قَرِ، كُنكُي شَ كِرَ بَا مَ، شّمّ شَ كِرَ فِنّدِ مّدِ شْنيِ.

²⁰فِنّ يّنّلَ شَ وَلِ نَن يَ؛ عَ نَ فّ عَ دّفٍدٍ، عَ عَ دّ رَشَ، عَ قَ عَ قَلَ، «ﭑ مُ قٍ حَاشِ يٌ رَبَشِ.»

²¹سٍ سَشَن نَ نَ، شَ نَ مُ عَ رَ، سٍ نَانِ، نَشٍيٍ مُ نْمَ لُدٍ دُنِحَ قَرِ.

²²عٍ تَن نَن يَ؛ كٌنيِ قِندِقٍ مَنفّ رَ، شَشِلِتَرٍ قِندِقٍ بَننَ رَ،

²³فِنّ مَشَنُتَرٍ دْشْقٍ شّمّ تَا، كٌنيِ فِنّ نَشَن قِندِقٍ عَ كَنيِ كّ تٌنفٌي رَ.

²⁴سُبٍ نَانِ نَ نَشٍيٍ شُرُن دُنِحَ سُبٍيٍ بِرِن بّ، كْنْ عٍ شَ لْننِ دَنفِ عَ بِرِن نَ.

²⁵عٍ تَن نَن يَ؛ دٌندٌلِ نَشَن سّنبّ مُ فبٌ، كْنْ عٍ بَلٌي قٍنمَ عَ قٍن وَشَتِ.

²⁶يٍرٍ مَنِيّ ندٍ نَشَن سّنبّ مُ فبٌ، كْنْ عَ يِلِ فٍمَ فّمّ لٌنفٌرِ يِفِيَ سْتْدٍ.

²⁷مَنفّ مُ نَ كَتٌي بّ، كْنْ عٍ عٍ حّرّ مَ شُنلَندٍ كِ مَ.