تَالِيٍ 29:5-24

⁵مِشِ نَشَن عَ بٌورٍ تَمِشِيَمَ، عَ نَ يّلّ عِتَلَقٍ عَ بٌورٍ نَن بّ.

⁶مِشِ حَاشِ شَ يُنُبِ قِندِشِ فَنتَنيِ نَن نَ عَ بّ، كْنْ تِنشِنتْي شُن نَكٍلِمَ نّ سّيوّ كُي.

⁷تِنشِنتْي كَتَمَ نّ تِنشِنيِ شَ رَبَ سٍتَرٍيٍ بّ، كْنْ مِشِ حَاشِ مُ مّينِمَ سٍتَرٍيٍ مَ قٍقٍ مَ.

⁸مِشِ مَيٍلٍيٍ عَ نِيَمَ نّ تَاكَيٍ شَ شْنْ، كْنْ شَشِلِمَيٍ تَن حَمَ بْحّ رَفٌرٌ مَ نّ.

⁹شَ كِيتِ لُ شَشِلِمَ نُن شَشِلِتَرٍ تَفِ، نَ شَشِلِتَرٍ سْنشْي رَتٍمَ نّ تُن، بْحّسَ شَ كَنَ.

¹⁰قَشّتِيٍ تِنشِنتْي شْنمَ، كْنْ مِشِ تِنشِنشِيٍ عٍ بٌورٍ مَكَنتَمَ نّ.

¹¹شَشِلِتَرٍ بْحّ شَ تٍ مَقُرَ، كْنْ شَشِلِمَ تَن عَ يّتّ سُشُمَ نّ.

¹²مَنفّ نَ بِرَ وُلٍ قْشْ رَ، عَ شَ مِشِ بِرِن قِندِ مَ نّ مِشِ حَاشِيٍ رَ.

¹³قٍ كٍرٍن نَ سٍتَرٍ نُن مِشِ كٌبِ تَفِ؛ عَلَتَلَ نَن عٍ بِرِن دَا.

¹⁴مَنفّ نَشَن سٍتَرٍ مَكِيتِمَ نْندِ رَ، نَ شَ كِبَنيِ مَبَنبَنمَ نّ عَبَدَن.

¹⁵دِ شُرُقٍ لُشُسِنيِ رَ، نَ عَ نِيَمَ نّ عَ شَشِلِ سْتْ، كْنْ دِ لُقٍ عَ يّتّ يِ رَ، نَ قِندِ مَ يَافِ نَن نَ عَ نفَ بّ.

¹⁶مِشِ حَاشِيٍ نَ سّنبّ سْتْ، يُنُبِيٍ فبٌمَ نّ، كْنْ تِنشِنتْييٍ قَمَ نّ عٍ شُننَفٌرٍ تٌدٍ.

¹⁷عِ شَ دِ مَتِنشِن عَلَكٌ عِ شَ لُ بْحّسَ كُي، عَ حّرّ كِ شَ عِ رَ سّيوَ.

¹⁸شَ حَمَ مُ عَلَ شَ قٍ تٌمَ، عٍ بِرَ مَ عٍ يّتّ وَشْنقٍ نَن تُن قْشْ رَ. سّيوّ نَ مِشِ بّ نَشَن عَلَ شَ سّرِيّ رَبَتُمَ.

¹⁹وْيّنيِ شَ مُ كٌنيِ مَتِنشِنمَ. هَلِ عَ نَ مّ، عَ مُ عَ رَبَتُمَ.

²⁰شَشِلِتَرٍ قِسَ مِشِ بّ، نَشَن حّنفِ مُ سَمَ عَ شَ وْيّنيِ شْن مَ.

²¹كٌنيِ نَشَن كَنيِ بَرَ عَ كَنَ كَبِ عَ دِ مّدِ تّمُي، نَ قِندِ مَ تْورّ نَن نَ عَ كَنيِ بّ.

²²بْحّتٍ نَن فٍرٍ رَ مِنِمَ، عَ قِندِ يُنُبِيٍ رَ.

²³يّتّ عِفبٌحَ مِشِ رَيَافِمَ نّ، كْنْ يّتّ مَفٌرٍ مِشِ شُن نَكٍلِمَ نّ.

²⁴مِشِ نَشَن كَقُمَ مُحّتِ مَ، نَ بَرَ عَ يّتّ فَن. عَ عَ كٌلٌن دَنكّ نَ سٍيدٍ تِنشِنتَرٍ بّ، كْنْ عَ نْندِ نْشُنمَ نّ.