تَالِيٍ 27:9-25

⁹لَبُندّ نُن سُرَيِ بْحّ رَ سّيوَ مَ نّ، عَلْ عِ شَنُنتٍنيِ شَ مَرَ سِ قَنيِ.

¹⁰عِ نَشَ عِ دّقَنبٌورٍ رَبٌلٌ، عِ نَشَ عِ بَبَ دّقَنبٌورٍ رَبٌلٌ. عِ نَشَ عِ بَرِبٌورٍ شِلِ عِ شَ تْورّ مَ. عِ دْشْبٌورٍ مَكْرّشِ قِسَ عِ نفَشَكٍرٍنيِ مَكُيَشِ بّ.

¹¹ﭑ مَ دِ، بِرَ لْننِ قْشْ رَ عَلَكٌ ﭑ بْحّ شَ رَقَن ﭑ مَ. نَ كُي ﭑ نْمَ نّ مِشِ يَابِدٍ نَشَن وَ مَ ﭑ نَيَافِقٍ.

¹²شَشِلِمَ عَ يّتّ رَتَنفَمَ قٍ شْرْشْي مَ، كْنْ شَشِلِتَرٍ تَن سٌمَ نّ نَ كُي، عَ قَ حَشَنكَتّ سْتْ.

¹³مِشِ شَ سّيكّ سٍ رَ سُشُ عَ نَشَن تَانِ شْحّ بّ، شَ نَ مُ عَ رَ عَ نَشَن تَانِ لَنفٌي بّ.

¹⁴عِ نَ عِ دْشْبٌورٍ شّيبُ عِ شُي عِتٍشِ رَ فّيسّفّ فبٍ رَ، عِ بَرَ عَ بْحّ رَحَاشُ عَ مَ عِ تَن مَبِرِ.

¹⁵فِنّ قِتِنّتْي لُشِ نّ عَلْ تُنّ دِ نَشَن قّيحّنمَ قَ رَ.

¹⁶نَ فِنّ مْولِ رَشَنقٍ، نَ مَنِيَمَ قٌيٍ رَشَنقٍ رَ، عَ سُشُقٍ شْرْشْ عَلْ تُرٍ سُشُقٍ عِ بّلّشّ رَ.

¹⁷وُرٍ نَن وُرٍ رَلُفَنمَ. مِشِ عَ بٌورٍ رَكَمَلِمَ نّ.

¹⁸مِشِ نَشَن مّينِمَ شْرّ بِلِ مَ، عَ عَ بٌفِ دٌنمَ نّ. مِشِ نَشَن مّينِمَ عَ كَرَ مْشْ مَ، عَ بِنيّ سْتْمَ نّ.

¹⁹عَدَ مَ يَتَفِ نَ كِ نَشّ، نَ نَن مِنِمَ يٍ شْورَ. عَدَ مَ يَتِ نَ كِ نَشّ، نَ تٌمَ نّ عَ بْحّ كُي.

²⁰عَلِفِيَمَ مُ وَ سَمَ مِشِ قَشَشِيٍ رَ، عَدَ مَ قَن مُ وَ سَمَ عَ وَشْنسٍ رَ.

²¹شّيمَ نُن فبٍتِ مَتٌمَ تّ رَ، كْنْ مِشِ مَكِيتِمَ عَ شِلِ نَن مَ.

²²عِ نَ مَالٍ دِن، عَ لَفِ بَمَ نّ عَ مَ، كْنْ شَشِلِتَرٍحَ مُ بَمَ شَشِلِتَرٍ بْحّ كُي.

²³عِ شَ عِ شَ شُرُ سٍ بِرِن كٌلٌن عَ قَنيِ رَ، عِ شَ مّينِ عٍ مَ،

²⁴بَرِ مَ بَننَيَ مُ بُمَ تّمُي بِرِن، شُننَكٍلِ قَن مُ بُمَ عَبَدَن.

²⁵شُرُ سٍيٍ نَ فّ عٍ بَلٌدٍ حٌوفٍ رَ نَشَن تٌمَ قِيلِ مَ نُن فٍيَ قَرِ،