تَالِيٍ 26:1-15

¹كُيٍ مُ شِنبٍلِمَ سٌفٌقُرٍ رَ، تُنّ مُ قَمَ مَالٍ شَبَ تّمُي، نَ كِ عَ مُ لَن لْننِتَرٍ شَ بِنيّ سْتْ.

²دَنكّ مُ مِشِ قَنيِ سُشُمَ. نَ قٍ لُمَ نّ عَلْ شْنِ نَشَن مُ دْشْمَ، كٌيِنمَ شَ عَ فْنْ.

³سٌي بْنبْمَ نّ عَلَكٌ عَ شَ عَ فِ، كَرَقٌي رَ سٌمَ نّ سٌقَلٍ دّ عِ عَلَكٌ مِشِ شَ عَ رَحّرّ، شَشِلِتَرٍ قَن شُرُ مَ نّ وُرِ رَ عَلَكٌ عَ شَ مَتِنشِن.

⁴عِ نَشَ شَشِلِتَرٍ يَابِ عَ مَحْشُن كِ رَ، شَ نَ مُ عَ رَ وٌ بِرِن لَن.

⁵عِ شَ شَشِلِتَرٍ يَابِ عَ مَحْشُن كِ مَ، شَ نَ مُ عَ رَ عَ عَ يّتّ قِندِ مَ شَشِلِمَ نَن نَ.

⁶مِشِ نَشَن شَشِلِتَرٍ شّيمَ مَسٍنيِ ندٍ تِدٍ، نَ بَرَ عَ يّتّ تْورْ.

⁷تَالِ وْيّنيِ نَشَن مِنِمَ شَشِلِتَرٍ دّ عِ، نَ لُشِ نّ عَلْ مَبّنيِ سَنيِ نَشَن سّنبّ مُ نَ.

⁸شَشِلِتَرٍ بِنيَقٍ لُشِ نّ عَلْ فّمّ سَقٍ لَاتِ كُي.

⁹تَالِ وْيّنيِ نَشَن مِنِمَ شَشِلِتَرٍ دّ عِ، نَ لُشِ نّ عَلْ لُشُسِنيِ نَشَن نَ سِيسِلَ بّلّشّ عِ.

¹⁰مِشِ نَشَن وَلِ سٌمَ شَشِلِتَرٍ يِ رَ، شَ نَ مُ عَ رَ مِشِ يِ رَ عَ مُ نَشَن كٌلٌن، نَ لُشِ نّ عَلْ سْورِ نَشَن تَنبّ وٌلِمَ حَمَ مَبِرِ.

¹¹شَشِلِتَرٍ نَشَن فبِلٍنمَ عَ شَ دَشُحَ مَ، نَ لُشِ نّ عَلْ بَرٍ نَشَن فبِلٍنمَ عَ شَ بْشُنيِ دٌن نَ.

¹²شَشِلِتَرٍ قَن قِسَ مِشِ بّ نَشَن عَ يّتّ قِندِشِ لْننِلَ رَ. قٍ سْونّيَمَ نّ نَ شَشِلِتَرٍ بّ دَنفِقٍ نَ يّتّ عِفبٌي رَ.

¹³مِشِ تُننَشْنْشِ نَن عَ قَلَمَ، «يّتّ نَ كِرَ رَ، يّتّ نَ تَا كُي.»

¹⁴نَادّ رَبِمَ، عَ مَن نَفَلِمَ، عَلْ تُننَشْنّ نَشَن عَ يَ رَبِمَ عَ شَ سَدٍ مَ، عَ مَن شِ.

¹⁵مِشِ تُننَشْنْشِ عَ دٌنسٍ سُشُمَ عَ بّلّشّ رَ، كْنْ عَ مُ عَ رَ سٌمَ عَ دّ عِ تُننَشْنْيَ سَابُي رَ.