تَالِيٍ 17:2-20

²وَلِكّ شَشِلِمَ سّنبّ فبٌ دَنفِقٍ وَلِ كَنيِ شَ دِ رَ، نَشَن قٍ مَيَافِشِ رَبَمَ. نَ وَلِكّ مْولِ تَن كّ سْتْمَ نّ نَ دٍنبَيَ كُي.

³شّيمَ نُن فبٍتِ مَتٌسٍ نَ تّ نَن نَ، كْنْ عَلَتَلَ نَن عَدَ مَ بْحّ مَتٌمَ.

⁴قٍ كٌبِ رَبَ وْيّن تِنشِنتَرٍ رَ مّمَ، عَ عَ تُلِ مَتِمَ وُلٍ قَلّ رَ.

⁵مِشِ نَشَن يٌمَ سٍتَرٍيٍ مَ، نَ بَرَ سٍتَرٍ دَا مَرِفِ يٍلٍبُ. مِشِ نَشَن يٍلٍمَ عَ بٌورٍ شَ تْورّ مَ، نَ حَشَنكَتّ نَن سْتْمَ.

⁶مَمَدِيٍ قِندِشِ قٌرِيٍ شَ سّيوّ نَن نَ، بَبَيٍ قَن قِندِشِ عٍ شَ دِيٍ شَ سّيوّ نَن نَ.

⁷مَنفّ شَ وْيّنيِ مُ لَن شَشِلِتَرٍ دّ عِ، وُلٍ مُ لَن مَنفّ دّ عِ.

⁸كِ تِقٍ نَادّيٍ رَبِمَ نّ، عَ قٍ بِرِن سْونّيَمَ نّ.

⁹دِحّقٍ كٌنبِ مَ عَ مَرَقَنيِ نَن نَ فبٌمَ، كْنْ نَ عِقَلَقٍ عَ شَنُنتٍنمَيٍ تَفِ عِسٌمَ.

¹⁰تَنتَنيِ مَسٍنقٍ لْننِلَ بّ عَ قَهَامُي قِمَ نّ عَ مَ، دَنفِقٍ لْننِتَرٍ بْنبْقٍ لُشُسِنيِ يَ كّمّ رَ.

¹¹مِشِ حَاشِ نَشَن مَنفّ مَتَندِ مَ تُن، سْورِ كِنِكِنِتَرٍ نَن شّيمَ عَ شِلِ مَ.

¹²نَرَلَنقٍ سُبٍ شَاحّ رَ، نَشَن شَ دِيٍ بَشِ عَ يِ، نَ قِسَ نَرَلَنقٍ شَشِلِتَرٍ رَ، نَشَن حّرّ مَ عَ شَ شَشِلِتَرٍحَ كُي.

¹³مِشِ نَشَن قٍ قَنيِ حْشْمَ قٍ حَاشِ رَ، قٍ حَاشِ مُ مَكُيَمَ نَ شَ بَنشِ رَ.

¹⁴فٍرٍ قْلْقٍ لُشِ نّ عَلْ بٌفٌنِ عِبْوقٍ. نَ كُي بٍينُن سْنشْي شَ مِنِ، كٍلِ نَا.

¹⁵مِشِ نَشَن نْندِ قِمَ قٍ كٌبِ رَبَمَ، نُن مِشِ نَشَن تِنشِنتْي تْوحّفّمَ، عٍ مُ رَقَن عَلَتَلَ مَ.

¹⁶هَلِ كْبِرِ لُ لْننِتَرٍ يِ رَ، عَ مُ نَ رَوَلِمَ لْننِ سْتْقٍ رَ.

¹⁷مِشِ عَ دّقَنبٌورٍ شَنُمَ تّمُي بِرِن، عَ عَ نفَشَكٍرٍنيِ مَلِمَ عَ تْورْ تّمُي.

¹⁸لْننِتَرٍ نَشَن شَشِلِ مُ نَ، نَ نَن فبَنسَن تَانِمَ عَ بٌورٍ بّ.

¹⁹فٍرٍ رَقَن مِشِ يٌ مَ، يُنُبِ قَن نَقَن نَ كَنيِ مَ. مِشِ نَشَن عَ يّتّ عِفبٌمَ، شُننَكَنّ نَن عَ لِمَ.

²⁰مِشِ يٌ مَدَشُي تِمَ، نَ مُ هّيرِ سْتْمَ، مِشِ يٌ وْيّن كٌبِ قَلَمَ، نَ تْورْ مَ نّ.