2להגיד בבקר חסדך ואמונתך בלילות׃
3עלי עשור ועלי נבל עלי הגיון בכנור׃
4כי שמחתני יהוה בפעלך במעשי ידיך ארנן׃
5מה גדלו מעשיך יהוה מאד עמקו מחשבתיך׃
6איש בער לא ידע וכסיל לא יבין את זאת׃
7בפרח רשעים כמו עשב ויציצו כל פעלי און להשמדם עדי עד׃
8ואתה מרום לעלם יהוה׃
9כי הנה איביך יהוה כי הנה איביך יאבדו יתפרדו כל פעלי און׃
10ותרם כראים קרני בלתי בשמן רענן׃
11ותבט עיני בשורי בקמים עלי מרעים תשמענה אזני׃