Text copied!
CopyCompare
תנ ך עברי מודרני - תְהִלִּים - תְהִלִּים 89

תְהִלִּים 89:28-42

Help us?
Click on verse(s) to share them!
28לעולם אשמור לו חסדי ובריתי נאמנת לו׃
29ושמתי לעד זרעו וכסאו כימי שמים׃
30אם יעזבו בניו תורתי ובמשפטי לא ילכון׃
31אם חקתי יחללו ומצותי לא ישמרו׃
32ופקדתי בשבט פשעם ובנגעים עונם׃
33וחסדי לא אפיר מעמו ולא אשקר באמונתי׃
34לא אחלל בריתי ומוצא שפתי לא אשנה׃
35אחת נשבעתי בקדשי אם לדוד אכזב׃
36זרעו לעולם יהיה וכסאו כשמש נגדי׃
37כירח יכון עולם ועד בשחק נאמן סלה׃
38ואתה זנחת ותמאס התעברת עם משיחך׃
39נארתה ברית עבדך חללת לארץ נזרו׃
40פרצת כל גדרתיו שמת מבצריו מחתה׃
41שסהו כל עברי דרך היה חרפה לשכניו׃
42הרימות ימין צריו השמחת כל אויביו׃

Read תְהִלִּים 89תְהִלִּים 89
Compare תְהִלִּים 89:28-42תְהִלִּים 89:28-42