Text copied!
CopyCompare
תנ ך עברי מודרני - תְהִלִּים - תְהִלִּים 88

תְהִלִּים 88:1-12

Help us?
Click on verse(s) to share them!
1שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃
2תבוא לפניך תפלתי הטה אזנך לרנתי׃
3כי שבעה ברעות נפשי וחיי לשאול הגיעו׃
4נחשבתי עם יורדי בור הייתי כגבר אין איל׃
5במתים חפשי כמו חללים שכבי קבר אשר לא זכרתם עוד והמה מידך נגזרו׃
6שתני בבור תחתיות במחשכים במצלות׃
7עלי סמכה חמתך וכל משבריך ענית סלה׃
8הרחקת מידעי ממני שתני תועבות למו כלא ולא אצא׃
9עיני דאבה מני עני קראתיך יהוה בכל יום שטחתי אליך כפי׃
10הלמתים תעשה פלא אם רפאים יקומו יודוך סלה׃
11היספר בקבר חסדך אמונתך באבדון׃
12היודע בחשך פלאך וצדקתך בארץ נשיה׃

Read תְהִלִּים 88תְהִלִּים 88
Compare תְהִלִּים 88:1-12תְהִלִּים 88:1-12