42ואענה חרפי דבר כי בטחתי בדברך׃
43ואל תצל מפי דבר אמת עד מאד כי למשפטך יחלתי׃
44ואשמרה תורתך תמיד לעולם ועד׃
45ואתהלכה ברחבה כי פקדיך דרשתי׃
46ואדברה בעדתיך נגד מלכים ולא אבוש׃
47ואשתעשע במצותיך אשר אהבתי׃
48ואשא כפי אל מצותיך אשר אהבתי ואשיחה בחקיך׃
49זכר דבר לעבדך על אשר יחלתני׃
50זאת נחמתי בעניי כי אמרתך חיתני׃
51זדים הליצני עד מאד מתורתך לא נטיתי׃
52זכרתי משפטיך מעולם יהוה ואתנחם׃
53זלעפה אחזתני מרשעים עזבי תורתך׃
54זמרות היו לי חקיך בבית מגורי׃
55זכרתי בלילה שמך יהוה ואשמרה תורתך׃
56זאת היתה לי כי פקדיך נצרתי׃
57חלקי יהוה אמרתי לשמר דבריך׃
58חליתי פניך בכל לב חנני כאמרתך׃
תְהִלִּים 119
תְהִלִּים 119:42-58