Text copied!
CopyCompare
תנ ך עברי מודרני - מַעֲשֵׂי הַשְּׁלִיחִים - מַעֲשֵׂי הַשְּׁלִיחִים 16

מַעֲשֵׂי הַשְּׁלִיחִים 16:5-15

Help us?
Click on verse(s) to share them!
5ותתחזקנה הקהלות באמונה וירב מספרן יום יום׃
6ויעברו בפרוגיא ובארץ גלטיא כי מנעם רוח הקדש מהשמיע את הדבר באסיא׃
7וכבאם אל מוסיא הואילו ללכת אל ביתוניא ולא הניח להם הרוח׃
8ויחלפו ממוסיא וירדו אל טרואס׃
9וחזון נראה אל פולוס בלילה והנה איש מוקדון נצב והוא מבקש ממנו לאמר עבר אל מקדוניא ועזרנו׃
10וכראתו את המחזה מיד בקשנו ללכת אל מקדוניא בהביננו כי האלהים קראנו שמה לבשר אתם הבשורה׃
11ונצא מן טרואס ונרד באניה ונבא דרך ישרה אל סמותרקיא וממחרת אל נפוליס׃
12ומשם אל פילפי ראשית ערי הפלך של מקדוניא והיא בת חורין ונשב בעיר הזאת ימים אחדים׃
13וביום השבת יצאנו אל מחוץ לעיר אל יד הנהר אשר שם מקום תפלה כמנהגם ונשב ונדבר אל הנשים הנקהלות שמה׃
14ואשה יראת אליהם ושמה לודיא מכרת ארגמן מעיר תיאטירא שמעה ויפתח יהוה את לבה להקשיב אל דברי פולוס׃
15ותטבל היא ובני ביתה ותבקש ממנו לאמר אם חשבתם אתי נאמנה לאדון באו נא אל ביתי ושבו בו ותפצר בנו׃

Read מַעֲשֵׂי הַשְּׁלִיחִים 16מַעֲשֵׂי הַשְּׁלִיחִים 16
Compare מַעֲשֵׂי הַשְּׁלִיחִים 16:5-15מַעֲשֵׂי הַשְּׁלִיחִים 16:5-15