Text copied!
CopyCompare
תנ ך עברי מודרני - מַעֲשֵׂי הַשְּׁלִיחִים - מַעֲשֵׂי הַשְּׁלִיחִים 15

מַעֲשֵׂי הַשְּׁלִיחִים 15:5-22

Help us?
Click on verse(s) to share them!
5ויקומו אנשים מאמינים מכת הפרושים ויאמרו כי חובה היא למול אתם ולצותם לשמר את תורת משה׃
6ויקהלו השליחים והזקנים לעין בדבר הזה׃
7ויהי ברבות המחלקת קם פטרוס ויאמר אליהם אנשים אחים אתם ידעתם כי מימים ראשים בי בחר האלהים מכלנו אשר ישמעו הגוים מפי את דבר הבשורה ויאמינו׃
8והאלהים ידע הלבבות העיד עליהם בתתו גם להם את רוח הקדש כאשר נתן לנו׃
9ולא הבדיל בינינו וביניהם כי טהר את לבבם על ידי האמונה׃
10ועתה מה תנסו את האלהים לשום על על צוארי התלמידים אשר גם אבותינו גם אנחנו לא יכלנו לשאת׃
11אבל בחסד ישוע המשיח אדנינו נאמין להושע כמוהם כמונו׃
12ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃
13ויכלו לדבר ויען יעקב ויאמר אנשים אחים שמעו אלי׃
14שמעון ספר איך האלהים ראה לו בראשונה לקחת מבין הגוים עם לשמו׃
15ולזאת מסכימים דברי הנביאים ככתוב׃
16אחרי זאת אשוב ואקים את סכת דויד הנפלת והרסותיה אקים ובניתיה׃
17למען ידרשו שארית אדם את יהוה וכל הגוים אשר נקרא שמי עליהם נאם יהוה עשה כל אלה׃
18נודעים לאלהים מעולם כל מעשיו׃
19ועל כן אני דן שלא להחמיר על השבים מן הגוים לאלהים׃
20רק לכתב אליהם אשר ירחקו מטמאת האלילים ומן הזנות ומבשר הנחנק ומן הדם׃
21כי משה מדרת עולם יש לו מגידיו בכל עיר ועיר ויקרא בבתי הכנסיות מדי שבת בשבתו׃
22וייטב בעיני השליחים והזקנים עם כל הקהל לבחר מהם אנשים ולשלח אתם אל אנטיוכיא עם פולוס ובר נבא את יהודה המכנה בר שבא ואת סילא אנשי שם בין האחים׃

Read מַעֲשֵׂי הַשְּׁלִיחִים 15מַעֲשֵׂי הַשְּׁלִיחִים 15
Compare מַעֲשֵׂי הַשְּׁלִיחִים 15:5-22מַעֲשֵׂי הַשְּׁלִיחִים 15:5-22