13אל תאהב שנה פן תורש פקח עיניך שבע לחם׃
14רע רע יאמר הקונה ואזל לו אז יתהלל׃
15יש זהב ורב פנינים וכלי יקר שפתי דעת׃
16לקח בגדו כי ערב זר ובעד נכרים חבלהו׃
17ערב לאיש לחם שקר ואחר ימלא פיהו חצץ׃
18מחשבות בעצה תכון ובתחבלות עשה מלחמה׃
19גולה סוד הולך רכיל ולפתה שפתיו לא תתערב׃
20מקלל אביו ואמו ידעך נרו באישון חשך׃
21נחלה מבחלת בראשנה ואחריתה לא תברך׃
22אל תאמר אשלמה רע קוה ליהוה וישע לך׃
23תועבת יהוה אבן ואבן ומאזני מרמה לא טוב׃
מִשְׁלֵי 20
מִשְׁלֵי 20:13-23