וַיִּקְרָא 7:31-37

³¹והקטיר הכהן את החלב המזבחה והיה החזה לאהרן ולבניו׃

³²ואת שוק הימין תתנו תרומה לכהן מזבחי שלמיכם׃

³³המקריב את דם השלמים ואת החלב מבני אהרן לו תהיה שוק הימין למנה׃

³⁴כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃

³⁵זאת משחת אהרן ומשחת בניו מאשי יהוה ביום הקריב אתם לכהן ליהוה׃

³⁶אשר צוה יהוה לתת להם ביום משחו אתם מאת בני ישראל חקת עולם לדרתם׃

³⁷זאת התורה לעלה למנחה ולחטאת ולאשם ולמלואים ולזבח השלמים׃