Юһанна 8:33-39

³³Улар җавапән: — Биз Ибраһимниң нәслимиз, — һеч қачан һеч кимниң қуллуғида болмидуқ. Сән қандақсигә: Азатлиққа еришсиләр, дәйсән? — деди.

³⁴Әйса уларға җавап берип: — Бәрһәқ, бәрһәқ, мән силәргә шуни ейтип қояйки, гуна садир қилған киши гунаниң қулидур.

³⁵Қул аилидә мәңгү турмайду, лекин оғул мәңгү туриду.

³⁶Шуниң үчүн Оғул силәрни азат қилса, һәқиқий азат болисиләр.   

³⁷Силәрниң Ибраһимниң нәсли екәнлигиңларни билимән. Бирақ мени өлтүрмәкчи болуватисиләр, чүнки мениң сөзүм ичиңлардин орун алмиди.

³⁸Мән Атамниң йенида көргәнлиримни ейтиватимән; силәр болсаңлар өз атаңлардин көргәнлириңларни қиливатисиләр!  

³⁹Улар җавап берип: — Бизниң атимиз Ибраһимдур, — деди. Әйса уларға: — Әгәр Ибраһимниң пәрсәндлири болсаңлар, Ибраһимниң әмәллирини қилған болаттиңлар!