19Яманларниң йоли зулмәт кечидәк қап қараңғу, Улар жиқилип, немигә путлишип кәткинини билмәйду.
20И оғлум, сөзлиримни көңүл қоюб аңла, Гәплиримгә қулақ сал.
21Уларни көзүңдә тутқин, Жүригиңниң қетида қәдирләп сақлиғин.
22Чүнки сөзлирим тапқанлар үчүн һаяттур, Уларниң пүтүн тенигә саламәтликтур.
23Қәлбиңни «һәммидин әзиз» дәп сап тут, Чүнки барлиқ һаят ишлири қәлбтин башлиниду.
24Ағзиңни әгир гәптин жирақ тарт, Ләвлириң езитқулуқтин нери болсун.
25Көзүңни алдиңға түз тиккин, Нәзириңни алдиңға тоғра ташла;
26Маңидиған йолуңни убдан ойланғин, Шундақ қилсаң ишлириң пухта болиду.
27Оңға, солға қаймиғин; Қәдәмлириңни яманлиқ йолидин нери тарт.
Пәнд-несиһәтләр 4
Пәнд-несиһәтләр 4:19-27