Пәнд-несиһәтләр 23:17-29

¹⁷Гуна садир қилғучиларға рәшк қилма, Һәрдайим Пәрвәрдигардин әймиништә турғин;

¹⁸Шундақ қилғиниңда җәзмән көридиған яхши күнүң болиду, Арзу-үмүтүң бекарға кәтмәс.

¹⁹И оғлум, сөзүмгә қулақ селип дана бол, Қәлбиңни Худаниң йолиға башлиғин.

²⁰Мәйхорларға арилашма, Нәпси яман гөшхорлар билән барди-кәлди қилма;

²¹Чүнки һарақкәш билән нәпси яман ахирида йоқсуллуқта қалар, Ғәпләт уйқисиға патқанларға җәндә кийимни кийгүзәр.

²²Сени тапқан атаңниң сөзини аңла, Анаң қериғанда униңға һөрмәтсизлик қилма.

²³Һәқиқәтни сетивал, Уни һәргиз сетивәтмә. Даналиқ, тәрбийә вә йорутулушниму ал.

²⁴Һәққаний балиниң атиси чоң хошаллиқ тапар; Дана оғулни тапқан атиси униңдин хурсән болар.

²⁵Ата-анаңни сөйүндүрүп, Сени туққан анаңни хуш қил.

²⁶И оғлум, қәлбиңни маңа тапшур; Көзлириңму һаятлиқ йоллиримға тикилсун!

²⁷Чүнки паһишә аял чоңқур оридур, Бузуқ ят аял тар зиндандур;

²⁸Улар қарақчидәк мөкүвелип, Инсанийәт арисидики вапасизларни көпәйтәр.

²⁹Кимдә азап бар? Кимдә дәрд-әләм? Ким җедәл ичидә қалар? Ким налә-пәряд көтирәр? Ким сәвәпсиз ярилинар? Кимниң көзи қизирип кетәр?