Пәнд-несиһәтләр 23:12-21

¹²Несиһәткә көңүл қой, Илим-билимләргә қулақ сал.

¹³Балаңға тәрбийә бериштин еринмә; Әгәр таяқ билән урсаң, у өлүп кәтмәйду;

¹⁴Сән уни таяқ билән урсаң, Бәлким уни тәһтисарадин қутқузивалисән.

¹⁵И оғлум, дана болсаң, Мениң қәлбим қанчә хуш болар еди!

¹⁶Ағзиңда орунлуқ сөзләр болса, ич-ичимдин шатлинимән.

¹⁷Гуна садир қилғучиларға рәшк қилма, Һәрдайим Пәрвәрдигардин әймиништә турғин;

¹⁸Шундақ қилғиниңда җәзмән көридиған яхши күнүң болиду, Арзу-үмүтүң бекарға кәтмәс.

¹⁹И оғлум, сөзүмгә қулақ селип дана бол, Қәлбиңни Худаниң йолиға башлиғин.

²⁰Мәйхорларға арилашма, Нәпси яман гөшхорлар билән барди-кәлди қилма;

²¹Чүнки һарақкәш билән нәпси яман ахирида йоқсуллуқта қалар, Ғәпләт уйқисиға патқанларға җәндә кийимни кийгүзәр.