ПСАЛТЫР 83:1-9

¹Кіроўцу хору. На Гэцкім інструмэньце. Сыноў Карэевых. Псальма.

²Якія жаданыя селішчы Твае, Госпадзе сіл!

³Душа мая стужылася, прагнучы ў двары Гасподнія; сэрца маё і цела маё імкнуцца да Бога жывога.

⁴І птушка знаходзіць сабе жытло, і ластаўка гняздо сабе, дзе пакласьці птушанятак сваіх, каля алтароў Тваіх, Госпадзе сіл, Цару мой і Божа мой!

⁵Дабрашчасныя тыя, што жывуць у доме Тваім; яны няспынна будуць славіць Цябе.

⁶Дабрашчасны чалавек, сіла Якога ў Табе, і ў якога ў сэрцы сьцежкі вядуць да Цябе.

⁷Ідучы далінаю плачу, яны адчыняюць у ёй крыніцы, і дождж пакрывае яе дабраславеньнем;

⁸прыходзяць ад сілы ў сілу, паўстаюць прад Богам на Сіёне

⁹Госпадзе, Божа сіл! Пачуй малітву маю, уважы, Божа Якаваў!