ПСАЛТЫР 80:2-9

²Сьпявайце радасна Богу, цьвярдыні нашай; усклікайце Богу Якава!

³Вазьмеце псальму, зайграйце на бубне, на арфе з гукам прыемным, на псалтыры;

⁴трубеце ў трубу парою маладзіка, у пэўны час, у дзень сьвята нашага;

⁵бо гэта закон Ізраілю, пастанова ад Бога Якаўлевага.

⁶Ён пастанавіў гэта ў сьведчаньне Язэпу, калі той выйшаў зь зямлі Егіпецкай, дзе пачуў гукі мовы, якое ня ведаў:

⁷«Я зьняў з плячэй ягоны цяжар, і рукі ягоныя вызваліліся ад кашоў».

⁸У гароце ты паклікаў Мяне, і Я цябе вызваліў; зь сярэдзіны грому пачуў Я цябе; пры водах Мэрывы выпрабаваў цябе.

⁹Слухай, народзе Мой, і Я буду сьведчыць табе; Ізраіле! о, калі б ты паслухаў Мяне!