11Я Гасподзь, Бог твой, Які вывеў цябе зь зямлі Егіпецкай; разамкні твае вусны, і Я напоўню іх».
12Але народ Мой ня слухаўся голасу Майго, і Ізраіль не ўпакорваўся Мне;
13таму Я пакінуў іх упартасьці іхняга сэрца, хай ходзяць паводле намераў сваіх.
14О, калі б народ Мой слухаў Мяне і Ізраіль хадзіў Маімі шляхамі!
15Я хутка ўпакорыў бы ворагаў іхніх і павярнуў бы руку Маю на прыгнятальнікаў іхніх;
16ненавісьнікі Госпада поўзалі б перад імі, а дабрашчасьце доўжылася б заўсёды.