ПСАЛТЫР 51:1-10

¹Кіроўцу хору. Вучэньне Давідава,

²пасьля таго, як прыходзіў Доік Ідумэянін, і данёс Саўлу, і сказаў яму, што Давід прыйшоў у дом Ахімэлэхаў.

³Чаго хвалішся злачынствам, магутны? Ласка Божая заўжды са мною;

⁴твой язык наклікае пагібель; як брытва навостраная ён у цябе, падступнік!

⁵Ты болей любіш зло, чым дабро, а няпраўду болей за праўду казаць;

⁶ты любіш усякія шкадлівыя словы, язык аблудны.

⁷За гэта Бог зруйнуе цябе дарэшты, выкіне цябе і вырве цябе зь сялібы тваёй і корань твой зь зямлі жывых.

⁸Убачаць праведнікі і напалохаюцца; пасьмяюцца зь іх і скажуць:

⁹вось чалавек, які ня ў Богу закладваў цьвярдыню сваю, а спадзяваўся на мностьва багацьця свайго, мацаваўся ў злачынстве сваім.

¹⁰А я, як аліва зялёная, у доме Божым; і надзею кладу на міласьць Божую на векі вечныя,