2калі да яго прыходзіў прарок Натан пасьля таго, як Давід увайшоў да Вірсавіі.
3Зьлітуйся, Божа, зь мяне ў вялікай ласцы Тваёй, і ў мностве шчадротаў Тваіх загладзь беззаконьні мае!
4Адмый мяне шматкроць ад беззаконьня майго, і ад грэху майго ачысьці мяне:
5бо беззаконьне маё я ўсьведамляю, і грэх мой заўсёды перада мною.
6Табе, Табе аднаму я зграшыў і прад вачыма Тваімі благое ўчыніў: таму справядлівы Ты будзеш у прысудзе Тваім, і чысты ў судзе Тваім.