ВЫСЛОЎІ 8:23-36

²³адвеку была я памазаная, ад пачатку, ад правеку зямлі.

²⁴Я нарадзілася, калі ня было яшчэ бездані, калі яшчэ ня было крыніц, багатых вадою.

²⁵Я нарадзілася перш, чым былі пастаўлены горы, раней за пагоркі,

²⁶калі яшчэ Ён не стварыў ні зямлі, ні палёў, ні пачатковых пылінак сусьвету.

²⁷Ён рыхтаваў нябёсы, я была там. Калі ён крэсьліў скляпеньне над паверхняю бездані,

²⁸калі сталяваў наверсе аблокі, калі мацаваў крыніцы бездані,

²⁹калі даваў мору статут, каб воды не заступалі межаў яго, калі закладваў асновы зямлі:

³⁰тады я была пры Ім за майстра, і была кожны дзень радасьцю, весялосьцю была перад абліччам Ягоным заўсёды,

³¹радуючыся на зямным коле Яго, і радасьць мая была з сынамі чалавечымі.

³²Цяпер, дзеці, паслухайце мяне; і шчасныя тыя, што будуць ахоўваць шляхі мае!

³³Паслухайце настаўленьня, і мудрымі станьце, і не адступайцеся ад яго.

³⁴Шчасны той чалавек, які слухае мяне, чуваючы дзень у дзень каля варотаў маіх і вартуючы дзьверы мае!

³⁵Бо, хто знайшоў мяне, той знайшоў жыцьцё, і атрымае мілату ад Госпада;

³⁶а хто грэшыць супроць мяне, учыняе шкоду душы маёй: усе тыя, што ненавідзяць мяне, любяць сьмерць».