Ʒare Biri 26:3-15

³Iŋuc mume Mose â taha bapa Eleaʒa jahe Moabi wâneŋko Jordaŋ opâ heririŋnao Jeriko hae ŋewec ira

⁴ŋic jara‐jeŋic 20‐o domarâ fewec jaŋe wose qâreŋ ejarepic. Ine Wofuŋzi Mose mutâcnecnewec irec sâcko epic hâcne. Israe ŋic kecʒiŋuczi Aigita mâreŋkonec wahambiŋ:

⁵Rubeŋ Israere mârâc motec ere ŋokâfâc jaŋeraonec ŋic ʒiŋuczi wahambiŋ hâcne: Hanoki ɋâricfâc‐ticne, Hanoki ŋic jaŋe hâcne; Palu ɋâricfâc‐ticne, Paluŋic jaŋe hâcne.

⁶Hezoroŋ ɋâricfâc‐ticne, Hezoroŋ ŋic jaŋe hâcne; Karami ɋâricfâc‐ticne, Karami ŋic jaŋe hâcne.

⁷Ŋicguru i jaŋe hâcne Rubeŋ kikefuŋ erâ jumbiŋ; ʒare‐jeŋic ine 43 tauseŋ 730.

⁸Palure ŋokâ ine Eliaba.

⁹Eliabare ŋokâfâc ine Nemuele, Dataŋ erâ Abiram. Dataŋ â Abiram jahe hâcne kikefuŋ jaŋere micne bâwosâec‐jofakicnezi Kora kikefuŋko ʒuhuckerâ Mose â Aroŋ râsi ejactehuc Wofuŋ bunao bapic.

¹⁰Eme mâreŋzi fâuckerâ aŋkekuc Kora â wiacfâcne jaŋehec mâmâc ɋâcjopa‐fâreme ʒoczi ŋic 250 ʒâseŋ‐jopawec. Jahe iŋuc ehuc okacne ropic izi ŋic gâcne jaŋere uŋsawaŋ ewec.

¹¹Kora ɋâricfâcne jaŋe ine ʒeŋgoma mi hâmo‐fârembiŋ.

¹²Simeoŋ ŋokâfâcne jaŋere garikiŋfâc kecʒiŋuc jumbiŋ: Nemuele ɋâricfâc, Nemuele ŋic jaŋe hâcne; Jamiŋte ɋârifâc, Jamiŋŋic jaŋe hâcne; Jakiŋte ɋâricfâc, Jakiŋŋic jaŋe hâcne;

¹³Ʒerare ɋâricfâc, Ʒeraŋic jaŋe hâcne; Saulire ɋâricfâc, Sauliŋic jaŋe hâcne.

¹⁴Ŋicguru i jaŋe hâcne Simeoŋte garikiŋ guru sasawa erâ jumbiŋ; ʒare‐jeŋic ine 22 tauseŋ 200.

¹⁵Gade ŋokâfâcne jaŋere garikiŋfâc kecʒiŋuc jumbiŋ: Zefoŋte ɋâricfâc, Zefoŋŋic jaŋe hâcne; Hagire ɋâricfâc, Hagiŋic jaŋe hâcne; Sunire ɋâricfâc, Suniŋic jaŋe hâcne.